შეერთებულმა შტატებმა სირიაში დარტყმები ირანის იარაღისა და საბრძოლო მასალის შესანახ ობიექტებზე განახორციელა, - მედიის ინფორმაციით, ამის შესახებ პენტაგონის ოფიციალურმა პირებმა ჟურნალისტებთან საუბარში განაცხადეს.
მათივე ინფორმაციით, დარტყმები ერაყის საზღვართან მდებარე ქალაქ აბუ კამალთან F-16 ტიპის საბრძოლო თვითმფრინავებით განხორციელდა.
შეგახსენებთ, აშშ-ის თავდაცვის მინისტრმა, ლოიდ ოსტინმა განაცხადა, რომ ამერიკელმა სამხედროებმა, ერაყსა და სირიაში აშშ-ის ძალებზე თავდასხმების საპასუხოდ, აღმოსავლეთ სირიაში ორ ობიექტს დაარტყეს, რომელსაც ისლამური რევოლუციის გუშაგთა კორპუსი და მის მიერ მხარდაჭერილი ჯგუფები იყენებდნენ