ლევან დავითაშვილი - საქართველოს დადებითი ეკონომიკური ტრაექტორია - ეს არის კარგად შემუშავებული მაკროეკონომიკური პოლიტიკის რიგი სტრატეგიული რეფორმების და ჩვენი ამბიციების შედეგი

„თბილისის აბრეშუმის გზის ფორუმის“ მეორე სამუშაო დღე საქართველოს ვიცე-პრემიერის, ეკონომიკისა და მდგრადი განვითარების მინისტრის მისასალმებელი სიტყვით გაიხსნა. ლევან დავითაშვილმა თავის გამოსვლაში რამდენიმე ძირითადი აქცენტი გააკეთა, მათ შორის ქვეყნებს შორის თანამშრომლობასა და ერთად ახალი შესაძლებლობების გამოყენებაზე გამომწვევების გამკლავების პროცესში, ასევე ერთობლივი ეფექტიანი გადაწყვეტილებების მიღებაზე, რომლებიც ხელს შეუწყობს როგორც რეგიონულ, ისე გლობალურ ეკონომიკას.

ამის შესახებ ინფორმაციას ეკონომიკის სამინისტრო ავრცელებს.

„ჩვენ ვიზიარებთ ერთსა და იმავე მისიას, ერთობლივად გამოვიყენოთ გაჩენილი შესაძლებლობები და გადავჭრათ გამოწვევები, რომლის წინაშეც ჩვენი ქვეყნები დგანან. მსურს, ხაზი გავუსვა, რომ აქ წარმოდგენილი თითოეული ქვეყანა სასიცოცხლოდ მნიშვნელოვან როლს ასრულებს არამხოლოდ საკუთარი ეკონომიკის განვითარებაზე, ისინი ასევე მნიშვნელოვან ზეგავლენას ახდენენ თავიანთი მეზობელი ქვეყნების კეთილდღეობაზე და წინსვლაზე შუა დერეფნის გასწვრივ. ამ კუთხით აღსანიშნავია, რომ ჩვენს ქვეყნებსა და საზოგადოებას შორის თანამშრომლობა, კოლაბორაცია არასდროს ყოფილა იმაზე მნიშვნელოვანი, ვიდრე ეს არის ახლა, ამ ეტაპზე“, - განაცხადა ლევან დავითაშვილმა.

ვიცე-პრემიერმა ხაზი გაუსვა, რომ ყველა ქვეყანა ცდილობს განავითაროს ხელსაყრელი, პროგნოზირებადი და ბიზნესისთვის კეთილგანწყობილი ეკონომიკა და საქართველოც სწორედ ამ გზას მიყვება. როგორც მან აღნიშნა, დროთა განმავლობაში ქვეყანა გახდა სტაბილური, უსაფრთხო, სანდო და მიმზიდველი პარტნიორი, მათ შორის უცხოელი ინვესტორებისთვის.

ეკონომიკის მინისტრმა დღეს ფორუმის დელეგატებს ასევე ინფორმაცია მიაწოდა საქართველოში მიმზიდველი საინვესტიციო გარემოს შექმნის პროცესში გადადგმული ნაბიჯების და მიმდინარე რეფორმების შესახებ.

„ჩვენი დადებითი ეკონომიკური ტრაექტორია - ეს არის კარგად შემუშავებული მაკრო-ეკონომიკური პოლიტიკის მთელი რიგი სტრატეგიული რეფორმების და ჩვენი ამბიციების შედეგი, რაც გულისხმობდა საქართველოს მარეგულირებელი ჩარჩოს დაახლოებას ევრო კავშირთან. ჩვენ ამ გზაზე პრიორიტეტად დავსახეთ, რომ ვყოფილიყავით მიმზიდველი და შეგვექმნა ხელსაყრელი პირობები უცხოელი ინვესტორებისთვის - დღეს საქართველო მე-8 ადგილს იკავებს OECD-ის კვლევაში FDI-ის ყველაზე ნაკლებად შემზღუდავი ქვეყნების ინდექსით. თუმცა, ვაღიარებთ, რომ რეფორმები არ არის ჩვენი საბოლოო დანიშნულების წერტილი და ჩვენ განვაგრძობთ ამ პროცესს“, - განაცხადა ვიცე-პრემიერმა.

ამასთან, როგორც ეკონომიკის მინისტრი აღნიშნავს, საქართველოს მთავრობა მუშაობს საკანონმდებლო ბაზის დახვეწის მიმართულებით, რათა საინვესტიციო კანონი უფრო უკეთესად იქნეს შემუშავებული და ხელი შეუწყოს როგორც ადგილობრივ, ისე გლობალურ ინვესტიციებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი