კადეტთა სამხედრო ლიცეუმში მასწავლებლის ეროვნული დღე აღინიშნა

ქუთაისში, გენერალ გიორგი კვინიტაძის კადეტთა სამხედრო ლიცეუმში მასწავლებლის ეროვნული დღე აღნიშნეს.

როგორც თავდაცვის სამინისტროს მიერ გავრცელებულ ინფორმაციაშია ნათქვამი, ღონისძიებაზე „წარმატებული ცხოვრების გასაღები თქვენ გაბარიათ“, კადეტებმა ლიტერატურულ-მუსიკალური კომპოზიციები წარმოადგინეს. ლიცეუმის მასწავლებლებსა და კადეტებს სიტყვით მიმართეს თავდაცვის მინისტრის მოადგილემ გრიგოლ გიორგაძემ და კადეტთა ლიცეუმის დირექტორმა პოლკოვნიკმა მალხაზ გოლეთიანმა. გრიგოლ გიორგაძემ მასწავლებლებს გაწეული ღვაწლისთვის მადლობა გადაუხადა და ყურადღება სამხედრო ლიცეუმში მათ მნიშვნელოვან როლზე გაამახვილა.

„ღონისძიების ფარგლებში ლიცეუმის მენტორ-მასწავლებელთა დაჯილდოების ცერემონიაც გაიმართა. თავდაცვის მინისტრის მადლობის სიგელით დაჯილდოვდნენ განსაკუთრებული პედაგოგიური გამოცდილების პედაგოგები; 14-მა მასწავლებელმა კი, განათლებისა და მეცნიერების სამინისტროსგან მენტორი მასწავლებლის სტატუსის დამადასტურებელი სერტიფიკატები და სპეციალური სამკერდე ნიშნები მიიღო.

საზეიმო ღონისძიებას თავდაცვის ძალების მეთაურის მოადგილე გენერალ-მაიორი ზაზა ჩხაიძე და დასავლეთის სარდალი ბრიგადის გენერალი კობა გრიგოლია დაესწრნენ.

საქართველოს მთავრობის 2023 წლის 30 აგვისტოს №340 დადგენილებით მასწავლებლის განსაკუთრებული ღვაწლის დაფასების მიზნით მასწავლებლის დღედ 27 ოქტომბერი დაწესდა. მასწავლებლის ეროვნული დღე ყოველი წლის 27 ოქტომბერს, ქართველი პედაგოგის, საქართველოში მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის იაკობ გოგებაშვილის დაბადების დღეს აღინიშნება“,- ნათქვამია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო