მედია - ეგვიპტეში, ისრაელის საზღვართან სარაკეტო დარტყმის შედეგად 6 ადამიანი დაშავდა
ეგვიპტეში, წუხელ, ისრაელის საზღვართან ახლოს მდებარე ქალაქ ტაბაში განხორციელებული სარაკეტო თავდასხმის შედეგად ექვსი ადამიანი დაშავდა, - ინფორმაციას ადგილობრივი მედია ავრცელებს.
„ღაზას სექტორში მიმდინარე ესკალაციის ფონზე, ტაბას რაკეტამ დაარტყა, რის შედეგადაც ექვსი ადამიანი მსუბუქად დაშავდა“, - იუწყება ტელეკომპანია AlQahera News-ი.
გავრცელებული ინფორმაციით, რაკეტა საავადმყოფოს შენობას მოხვდა.
სოციალურ ქსელში გავრცელებულ ფოტოებზე ჩანს დაზიანებული სახლი და განადგურებული ავტომობილები. ისრაელის თავდაცვის ძალებში აცხადებენ, რომ მომხდართან დაკავშირებით გამოძიება მიმდინარეობს.
