გურამ გურამიშვილი საერთაშორისო სარკინიგზო გადაზიდვების სამთავრობოთაშორისო ორგანიზაციის (OTIF) გენერალურ მდივანს შეხვდა

თბილისის აბრეშუმის გზის ფორუმის ფარგლებში, ეკონომიკისა და მდგრადი განვითარების მინისტრის მოადგილე, გურამ გურამიშვილი საერთაშორისო სარკინიგზო გადაზიდვების სამთავრობოთაშორისო ორგანიზაციის (OTIF) გენერალურ მდივან, ვოლფგანგ კუპერს შეხვდა. ინფორმაციას ეკონომიკისა და მდგრადი განვითარების სამინისტრო ავრცელებს.

უწყების მიერ გავრცელებული ინფორმაციის თანახმად, შეხვედრას ასევე სსიპ სარკინიგზო ტრანსპორტის სააგენტოს ხელმძღვანელი, ერეკლე კეჟერაშვილი დაესწრო.

„შეხვედრაზე საქართველოს სარკინიგზო სექტორში მიმდინარე რეფორმა განიხილეს, რომლის ფარგლებშიც, უსაფრთხოების ტექნიკური მარეგულირებელი ორგანო - სარკინიგზო ტრანსპორტის სააგენტო უკვე ჩამოყალიბდა. აღინიშნა, რომ რეფორმა საქართველოში სარკინიგზო ტრანსპორტის, როგორც ყველაზე უსაფრთხო, მწვანე და მდგრადი სატრანსპორტო საშუალების ეფექტურობის გაზრდას და განვითარებას ხელს შეუწყობს.

შეხვედრაზე OTIF-ის გენერალურმა მდივანმა საქართველოს სატრანსპორტო დარგის განვითარებისთვის სარკინიგზო ტრანსპორტის დარგში მიმდინარე რეფორმის მნიშვნელობას გაუსვა ხაზი. მან ასევე საერთაშორისო სარკინიგზო გადაზიდვების შესახებ მოქმედი საერთაშორისო კონვენციისა და OTIF-ის მოთხოვნების იმპლემენტაციის კუთხით დახმარებაზე გამოხატა მზაობა. ვოლფგანგ კუპერმა ქართულ მხარეს OTIF-ის საქმიანობის მხარდაჭერისთვის და მასში აქტიური ჩართულობისთვის მადლობა გადაუხადა, მათ შორის ამ ორგანიზაციის ადმინისტრაციული კომიტეტის ფარგლებში, რომლის ერთ-ერთ აქტიურ წევრსაც წარმოადგენს საქართველო“,- აღნიშნულია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის