ალექსანდერ ბერნადი - საქართველო ახალი ბაზარია, მაგრამ მახასიათებლები ნამდვილად შეუდარებელია

ჩვენ მოვისმინეთ ვიცე-პრემიერის სიტყვა - საქართველოს საბაზრო ეკონომიკა განვითარებული და ნამდვილად მიმზიდველია, - ამის შესახებ Cerberus Frontier -ის თანათავმჯდომარემ და Cerberus (Singapore) Pte. Ltd. -ის უფროსმა მმართველმა დირექტორმა ალექსანდერ ბენარდიმ „აბრეშუმის გზის ფორუმის“ პანელურ დისკუსიაზე - „საზღვაო სექტორი გარდამავალ ეტაპზე“ სიტყვით გამოსვლისას განაცხადა.

„ჩვენ მოვისმინეთ ვიცე-პრემიერის სიტყვა - საქართველოს საბაზრო ეკონომიკა განვითარებული და ნამდვილად მიმზიდველია. ბიზნესის კეთების სიმარტივე ანუ ყველა ინდიკატორი, რომელსაც რეიტინგებში ვხედავთ, ნამდვილად ჩანს და ვგრძნობთ. საქართველო არის ახალი ბაზარი, მაგრამ რა მახასიათებლებიც ჩანს, ნამდვილად შეუდარებელი“, - განაცხადა ალექსანდერ ბენარდიმ.

მისივე შეფასებით, საქართველო პატარა, მაგრამ ძალიან აქტიური ქვეყანაა, რომლის მიმართ ინტერესი სულ უფრო და უფრო იზრდება.

„ჩვენ ორიენტირებული ვართ იმ ქვეყნებზე, რომლებსაც აქვთ დასავლური ორიენტაცია და ეს ყურადღება იზრდება სწორედ ისეთი ქვეყნების მიმართ, როგორიც არის საქართველო, - მცირე, მაგრამ ძალიან აქტიური. მთავრობამ სწორად უნდა გამოიყენოს შექმნილი შესაძლებლობები“- აღნიშნა ბერნადიმ.

ალექსანდერ ბერნადიმ ასევე ისაუბრა საქართველოს ინფრასტრუქტურის სექტორის განვითარების პოზიტიური ტენდენციების შესახებ „შუა დერეფნის“ კონტექსტში.

„ინფრასტრუქტურას მე ცენტრალურ ადგილზე დავაყენებდი, რადგან შუა დერეფნის გადმოსახედიდან, სწორედ ამას ექცევა დიდი ყურადღება. ეს არის კომპლექსური დერეფანი, სახმელეთო და საზღვაო ინფრასტრუქტურით და უმნიშვნელოვანესია, რომ ამას საქართველოს მთავრობა დიდ ყურადღებას აქცევს“, - აღნიშნა ალექსანდერ ბენარდიმ.

განცხადებას ეკონომიკისა და მდგრადი განვითარების სამინისტრო ავრცელებს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის