არჩილ გაჩეჩილაძე - რაც ყველა ინვესტორს აინტერესებს, ეს არის საბანკო საკითხები და საქართველო ამ თვალსაზრისითაც ლიდერია რეგიონში

„აბრეშუმის გზის ფორუმის“ პანელური დისკუსიის ფარგლებში, „საქართველოს ბანკის“ აღმასრულებელმა დირექტორმა არჩილ გაჩეჩილაძემ საქართველოში არსებული საინვესტიციო გარემო შეაფასა.

მისი თქმით, საქართველოს ვალუტა უკვე 28 წელია, სტაბილურობას ინარჩუნებს.

„ამ პერიოდის განმავლობაში ბევრი სხვადასხვა რეფორმა უკვე განხორციელდა, მაგრამ მე დავიწყებ მაკროსტაბილურობით. ჩვენ ბევრს ვსაუბრობთ სხვადასხვა სექტორზე და მიმდინარე ინიციატივებზე, თუ რა პერსპექტივები არსებობს. თუმცა მაკროსტაბილურობა არის ის, რაც, საბედნიეროდ, ამ ქვეყანაში არსებობს - საქართველოს ვალუტა 1995 წლიდან, მას შემდეგ, რაც შემოვიღეთ, უკვე 28 წელია, სტაბილურობას ინარჩუნებს“, - განაცხადა არჩილ გაჩეჩილაძემ.

მან ფისკალურ დისციპლინაზეც გაამახვილა ყურადღება და ამ მიმართულებით განხორციელებულ ინიციატივებზე ისაუბრა.

„ფისკალური დისციპლინა, რა თქმა უნდა, მნიშვნელოვანი საკითხია. ვცდილობთ, ამოვიღოთ გადასახადები და ეს მონაცემები, ზოგადად, კარგია. კიდევ ბევრი კარგი რამ გაკეთდა - დაბალი საგადასახადო ტარიფები, ასევე - საგადასახადო რეჟიმის გამარტივება“, - განმარტა „საქართველოს ბანკის“ აღმასრულებელმა დირექტორმა.

როგორც არჩილ გაჩეჩილაძემ აღნიშნა, საქართველო რეგიონში ლიდერია საბანკო საკითხების თვალსაზრისითაც.

„რა აინტერესებს ყველა ინვესტორს? ეს არის საბანკო საკითხები და ჩვენ ვართ რეგიონში ლიდერი ამ ფრონტზეც. კიდევ უფრო მეტი ინვესტიცია მიმდინარეობს ინფრასტრუქტურაში. სხვადასხვა ინვესტიცია იდება ენერგეტიკის სექტორში, ელექტროენერგია და ენერგეტიკის სექტორი არის ძალიან მნიშვნელოვანი და აქაც საკმაოდ ცოცხალი და ძალიან აქტიური სიტუაციაა“,- განაცხადა გაჩეჩილაძემ, რომლის კომენტარსაც ეკონომიკისა და მდგრადი განვითარების სამინისტრო ავრცელებს.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო