თეა ახვლედიანი სრულიად საქართველოს აფხაზური ენის დღეს ულოცავს

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი, თეა ახვლედიანი, აფხაზური ენის დღეს ულოცავს სრულიად საქართველოს, განსაკუთრებით კი ოკუპირებული აფხაზეთის რეგიონსა და დანარჩენ საქართველოში მცხოვრები აფხაზური საზოგადოების იმ წარმომადგენლებს, ვისთვისაც აფხაზური მშობლიური ენა და იდენტობის სიმბოლოა. ამის შესახებ ინფორმაციას შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ავრცელებს.

მათივე ცნობით, აფხაზური ენა, როგორც საქართველოს ერთიანი ენობრივი საგანძურის განუყოფელი ნაწილი და უმნიშვნელოვანესი ღირებულება, დაცულია საქართველოს კონსტიტუციით, რაც ამ ენას განსაკუთრებულ დატვირთვას სძენს.

„აფხაზური ენა, ისევე, როგორც აფხაზური თვითმყოფადობა და ტრადიციები, როგორც ჩვენი საერთო წარსულისა და მრავალფეროვანი კულტურის ორგანული ნაწილი და სიმდიდრე, ქართულ-აფხაზურ ისტორიულ ერთიანობას ასახავს.

მიმდინარე ოკუპაციის და ინტენსიური რუსიფიკაციის პოლიტიკის შედეგად, დღეს აფხაზური ენა და კულტურული იდენტობა გაქრობის სერიოზული საფრთხის წინაშეა, რაც ქართული და აფხაზური საზოგადოების წევრებისთვის საერთო გამოწვევას წარმოადგენს, ვინაიდან, ენისა და იდენტობის გაქრობა მხოლოდ გარეშე ძალის არალეგიტიმურ პოლიტიკურ მიზნებს ემსახურება. სწორედ ამიტომ, განსაკუთრებულ მნიშვნელობას იძენს საერთო ინტერესების გარშემო თანამშრომლობა, ერთობლივი და კონსოლიდირებული ძალისხმევა მშვიდობიანი მომავლისკენ.

აფხაზური ენის შენარჩუნება, განვითარება და პოპულარიზაცია საქართველოს ხელისუფლების განსაკუთრებული ზრუნვის საგანი და უცვლელი პრინციპია, შესაბამისად, აღნიშნული შერიგებისა და ჩართულობის სახელმწიფო პოლიტიკის ერთ-ერთ პრიორიტეტულ მიმართულებას წარმოადგენს“, - აღნიშნულია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის