ისრაელი აცხადებს, რომ ამაღამ სახმელეთო ოპერაციებს აფართოებს და ღაზას მცხოვრებლებს მოუწოდებს, სამხრეთ ნაწილში გადაინაცვლონ

ამაღამ სახმელეთო ოპერაციებს გავაფართოებთ. ამის შესახებ ისრაელის თავდაცვის ძალების სპიკერმა დანიელ ჰაგარიმ განაცხადა.

ისრაელის სახმელეთო ოპერაციის გაფართოების ფონზე ჰაგარიმ, ასევე, მოუწოდა ღაზას სექტორის მცხოვრებლებს, სამხრეთ ნაწილში გადაინაცვლონ.

“[ისრაელის] საჰაერო ძალები ძალიან მნიშვნელოვნად ურტყამენ მიწისქვეშა სამიზნეებს… ყველა არენაზე თავდაცვისთვის ვართ მზად. ისრაელის სახელმწიფოს უსაფრთხოების ინტერესების დასაცავად ვმოქმედებთ”, - განაცხადა ჰაგარიმ.

ამასთან, მან აღნიშნა, რომ ბოლო ორი დღის განმავლობაში ისრაელის თავდაცვის ძალების ქვეითები და ტანკები ღაზას სექტორში შეზღუდულ რეიდებს ახორციელებდნენ.

ჰაგარიმ, ასევე, განაცხადა, რომ ისრაელი ჩრდილოეთ ღაზას სექტორში ქალაქ ღაზას და მიმდებარე ტერიტორიების დაბომბვას გააგრძელებს.

მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 19.05.2025
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის