გლდანის რაიონის გამგეობის მიერ, მუხიანის აგარაკებზე კიდევ ერთი ქუჩის მოწესრიგებას აგრძელებს.თბილისის მერიის ინფორმაციით, მუხიანი 2-ში, სამეგრელოს ქუჩაზე, 344 გრძივ მეტრზე სანიაღვრე ქსელის მოწყობა სრულდება, 3 900 კვადრატულ მეტრ ფართობზე კი, გზის საფარის მოწესრიგების სამუშაოები დაიწყო.

პროექტისთვის დაახლოებით, 400 000 ლარი დაიხარჯება.

საგზაო სამუშაოებამდე გამგეობის მიერ წყალარინების ქსელი მოეწყო. აღნიშნულ ქუჩაზე ამ დრომდე წყალარინების ქსელი და გზის საფარი არ არსებობდა.

მიმდინარე სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე ადგილზე გაეცნო.