„აბრეშუმის გზის ფორუმის“ ფარგლებში ტურიზმის ეროვნული ადმინისტრაცია საერთაშორისო მედიის წარმომადგენლებს მასპინძლობს

თბილისში მიმდინარე საერთაშორისო ფორუმის - „აბრეშუმის გზის“ ფარგლებში საქართველოს ტურიზმის ეროვნული ადმინისტრაცია აშშ-დან, ესპანეთიდან, ბულგარეთიდან, კატარიდან და ინდოეთიდან მედიის წარმომადგენლებისათვის პრესტურს ატარებს.

ინფორმაციას ტურიზმის ეროვნული ადმინისტრაცია ავრცელებს.

მათი ცნობით, ფორუმის მიმდინარეობას, საქართველოს ეკონომიკურ და ტურისტულ პოტენციალს საერთაშორისო გამოცემებისა და ტელეკომპანიების წარმომადგენლები აშუქებენ. პრესტურის მონაწილეებს შორის არის Forbes ჟურნალისტი.

„აბრეშუმის გზა დიდ შესაძლებლობებს უხსნის სხვადასხვა ქვეყანას. ამ ფორუმის იდეაა, ქვეყნებმა დაამყარონ სავაჭრო კონტაქტები. ურთიერთობების დიდი შესაძლებლობებია, როდესაც მრავალი ქვეყნის წარმომადგენელი ერთად იკრიბება. საქართველოს ძალიან კარგი მდებარეობა აქვს როგორც ისტორიულად, ასევე ტურისტულად. საქართველო გამორჩეულია ხალხით, ბუნებით, სამზარეულოთი და ვფიქრობ საქართველო მთელ მსოფლიოში სასურველი ტურისტული მიმართულებაა“, -აცხადებს Democracy News Live-ის რედაქტორი როჰიდ განდი.

„ძალიან მოხარული ვარ საქართველოში ჩამოსვლით, კოვიდის შემდეგ პერიოდში ძალიან მაინტერესებდა თუ რა ხდებოდა თქვენს ქვეყანაში, გამორჩეულად კარგი ღვინო გაქვთ, თუმცა ღვინოსთან ერთად დაინტერესებული ვარ შევიტყო თუ რა ბიზნესი კეთდება, როგორ ვითარდება ეკონომიკა, განსაკუთრებით მაინტერესებს საქართველოს საზღვაო პორტები რომ ხალხმა შეიტყოს ინვესტიციებისთვის რა შესაძლებლობებია საქართველოში“, - ამბობს ფრილანსერი ჟურნალისტი ჯოისა ბლანტი.

ტურიზმის ეროვნული ადმინისტრაციის ინფორმაციით, პრესტურის ფარგლებში უცხოური მედიის წარმომადგენლები ფორუმს დაესწრნენ, გაეცნენ თბილისის ტურისტულ ადგილებს, გაემგზავრნენ კახეთში, სადაც ტურის მონაწილეებისათვის ქართული კერძებისა და ღვინის დეგუსტაცია გაიმართა.

„საერთაშორისო მედიის წარმომადგენლები დაათვალიერებენ გორს, ქუთაისს, მოინახულებენ ქუთაისის საერთაშორისო აეროპორტს, გაემგზავრებიან ანაკლიაში, სადაც ღრმაწყლოვანი პორტის პროექტს გაეცნობიან.

პრესტურის მონაწილეები მოინახულებენ ენგურჰესს, ეწვევიან ფოთსა და ბათუმს. ტურის დასრულების შემდეგ მედიის წარმომადგენლები საქართველოს ეკონომიკური, ტურისტული პოტენციალის შესახებ სტატიებს, სიუჟეტებსა და ბლოგებს მოამზადებენ“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია