ქუთაისის საერთაშორისო აეროპორტმა ,,აბრეშუმის გზის ფორუმის“ ფარგლებში ჩამოსულ საერთაშორისო მედიას უმასპინძლა

ქუთაისის დავით აღმაშენებლის სახელობის საერთაშორისო აეროპორტმა აბრეშუმის გზის ფორუმის ფარგლებში სხვადასხვა ქვეყნებიდან ჩამოსულ საერთაშორისო მედიის წარმომადგენლებს უმასპინძლა.

აეროპორტების გაერთიანების ინფორმაციით, საქართველოში უცხოური მედია პრეს-ტურით, ტურიზმის ეროვნული ადმინისტრაციის ორგანიზებით იმყოფება და აბრეშუმის გზის ფორუმის პარალელურად, ქვეყნისთვის სტრატეგიულად მნიშვნელოვან ობიექტებზე, საინვესტიციო და ტურისტულ პოტენციალზე სხვადასხვა სტატიებსა და სიუჟეტებს მოამზადებენ.

,,ქუთაისის აეროპორტი ბევრად ლამაზია და გაცილებით დიდი, ვიდრე 2019 წელს იყო, მაშინ როცა პირველად მოვხვდი ამ აეროპორტში. მას შემდეგ აქ ბევრი რამ შეცვლილა. ულამაზესი დიზაინის აეროპორტი გაქვთ”, - განაცხადა ამერიკული გამოცემა Forbes-ის ჟურნალისტმა ჟორესა ლეტა ბლაუნტმა აეროპორტის დათვალიერებისას.

საერთაშორისო ჟურნალისტებს ქუთაისის აეროპორტის დირექტორმა, გაგა სანიკიძემ დეტალური ინფორმაცია მიაწოდა განახლებული ტერმინალისა და მისი შესაძლებლობების შესახებ. ასევე, გააცნო ის სამომავლო სიახლეები, რასაც საქართველოს აეროპორტების გაერთიანება ქუთაისის საერთაშორისო აეროპორტში გეგმავს.

გავრცელებული ინფორმაციით, საერთაშორისო მედიამ პრეს-ტურის ფარგლებში, თბილისი დაათვალიერა, აბრეშუმის ფორუმის გაშუქების შემდეგ კი დასავლეთ საქართველოსკენ გადაინაცვლა, გზად გორის ელექტროსადგური მოინახულა, შემდეგ ქუთაისის საერთაშორისო აეროპორტში ესტუმრა. მოგვიანებით კი ენგურჰესის კაშხალს დაათვალიერებენ, ფოთის პორტსა და ანაკლიის ღრმაწყლოვანი პორტის პროექტს გაეცნობიან და ბათუმში გადაინაცვლებენ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო