მალტაში უკრაინის მიერ შეთავაზებული „მშვიდობის ფორმულის“ რიგით მესამე შეხვედრა დაიწყო

მალტაში უკრაინის მიერ შეთავაზებული „მშვიდობის ფორმულის“ რიგით მესამე შეხვედრა დაიწყო.

ამის შესახებ ინფორმაციას უკრაინის პრეზიდენტის ადმინისტრაციის ხელმძღვანელი, ანდრეი ერმაკი ავრცელებს.

„საერთაშორისო მხარდაჭერა უკრაინის „მშვიდობის ფორმულის“ მიმართ იზრდება. ამის დასტურია, გლობალური სამხრეთის ქვეყნების დიდი რაოდენობა, რომლებიც შეხვედრაში მონაწილეობენ. ეს ნამდვილად იმის დემონსტრირებაა, რომ მსოფლიო სამართლიანობითა და უკრაინის გამარჯვებით არის დაინტერესებული“, - განაცხადა ერმაკმა.

უკრაინის პრეზიდენტის ადმინისტრაციის ხელმძღვანელმა აღნიშნა, რომ მალტაში შეხვედრას 65 ქვეყნის წარმომადგენელი ესწრება. შეგახსენებთ, რომ „მშვიდობის ფორმულის“ ფარგლებში პირველი ორი შეხვედრა კოპენჰაგენსა და ჯიდაში გაიმართა.