სომეხთა სამოციქულო წმინდა ეკლესია ცხოველმყოფელი ჯვრის მოპოვების დღესასწაულს აღნიშნავს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, ჯვრის მოპოვება ქრისტეს ჯვრისადმი მიძღვნილ ოთხ დღესასწაულთაგან ერთ-ერთია და იგი წმინდა ელენე დედოფლის მიერ 327 წელს, იერუსალიმში ჯვრის აღმოჩენას უკავშირდება.

რელიგიის საკითხთა სახელმწიფო სააგენტო ულოცავს სომხურ სამოციქულო ეკლესიასა და მრევლს დღესასწაულს და მშვიდობას უსურვებს მათ.