გაერო - ღაზის მოსახლეობა დახმარების ცენტრებში შეიჭრა და ფქვილი და სხვა მარაგი გაიტაცა

ღაზის ათასობით მცხოვრები პალესტინელ ლტოლვილთა დახმარების გაერო-ს სააგენტოს საწყობებსა და სადისტრიბუციო ცენტრებში შეიჭრა და ფქვილი და პირველადი საჭიროების სხვა პროდუქტები გაიტაცა, - ინფორმაციას პალესტინელ ლტოლვილთა დახმარების გაერო-ს სააგენტო ავრცელებს.

„ეს არის შემაშფოთებელი ნიშანი იმისა, რომ სამოქალაქო წესრიგი იწყებს ნგრევას სამკვირიანი ომისა და ღაზის მკაცრი ალყის შემდეგ“, - ნათქვამია ორგანიზაციის განცხადებაში.

გაერო-ს სააგენტოში განმარტავენ, რომ ღაზის სექტორში ეგვიპტიდან სატვირთო მანქანებით შეტანილი ჰუმანიტარული დახმარება არასაკმარისია.

”ბაზარზე მარაგები იწურება, ხოლო ღაზის სექტორში ეგვიპტიდან სატვირთო მანქანებით შემოსული ჰუმანიტარული დახმარება არასაკმარისია“, - აცხადებენ ორგანიზაციაში და განმარტავენ, რომ ჰუმანიტარული კოლონების ღაზაში შეყვანის ამჟამინდელი სისტემა განწირულია მარცხისთვის.

”საზოგადოებების საჭიროებები უზარმაზარია, ხოლო დახმარება, რომელსაც ჩვენ ვიღებთ, მწირი და შეუსაბამოა“, - აღნიშნულია ორგანიზაციის განცხადებაში.

პალესტინელ ლტოლვილთა დახმარების გაერო-ს სააგენტოში აცხადებენ, რომ ღაზაში ხალხის დასახმარებლად მათი შესაძლებლობები შეაფერხა საჰაერო თავდასხმებმა, რის შედეგადაც ორგანიზაციის 50-ზე მეტი თანამშრომელი დაიღუპა და მარაგების გადატანა შეფერხდა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია