ისრაელის სამხედროებმა სირიის ტერიტორიაზე სამხედრო ინფრასტრუქტურას დაარტყეს მას შემდეგ, რაც ქვეყნიდან ისრაელის მიმართულებით რაკეტები გაუშვეს, - ამის შესახებ ისრაელის თავდაცვის ძალები იუწყება.

მედიის ინფორმაციით, დარტყმა სირიის სამხრეთ ნაწილში, დარას მახლობლად მოხდა.

რაც შეეხება სირიიდან განხორციელებულ თავდასხმას, ისრაელის თავდაცვის ძალებში აცხადებენ, რომ ყველა ჭურვი ღია ტერიტორიებზე დაეშვა და არანაირი ზიანი არ გამოუწვევია.