გაერო - ღაზაში ჰუმანიტარული დახმარება კიდევ 33 სატვირთო მანქანით შეიტანეს

გაერო-ს ჰუმანიტარულ საკითხთა კოორდინაციის ოფისის ინფორმაციით, კვირას ღაზას სექტორში, რაფაჰის სასაზღვრო პუნქტის გავლით, წყლით, საკვებითა და სამედიცინო აღჭურვილობით დატვირთული კიდევ 33 სატვირთო ავტომანქანა შევიდა.

„ეს არის ჰუმანიტარული დახმარების ყველაზე დიდი მიწოდება 21 ოქტომბრის შემდეგ, ანუ მას შემდეგ, რაც მიწოდება განახლდა“, - აცხადებენ გაერო-ს ჰუმანიტარულ საკითხთა კოორდინაციის ოფისში.

ამასთან, მედიის ინფორმაციით, საავადმყოფოების თხოვნის მიუხედავად, რომლებიც, ძირითადად, ელექტროენერგიის გენერატორებზე მუშაობენ, საწვავის მიწოდება არ განხორციელებულა.

მედიის ინფორმაციითვე, 21 ოქტომბრიდან დღემდე ღაზაში 117 სატვირთო მანქანა შევიდა.

ცნობისათვის, ისრაელის მიერ ბლოკადის დაწყებამდე, ღაზაში, ყოველდღიურად, დაახლოებით 500 სატვირთო მანქანა შედიოდა, რომლითაც ანკლავის ტერიტორიაზე დახმარება და სხვა საქონელი შეჰქონდათ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო