ცხინვალში „საქართველოში ეკონომიკური გზის გახსნის“ იდეა განიხილეს

ოკუპირებული ცხინვალის ე.წ. პარლამენტის წევრმა, ზაზა დრიაევმა ე.წ. საკანონმდებლო ორგანოს სხდომაზე გააჟღერა ინიციატივა „საქართველოში ეკონომიკური გზის გახსნის“ შესახებ, - ინფორმაციას გამოცემა „ეხო-კავკაზა“ ე.წ. პარლამენტზე დაყრდნობით ავრცელებს.

ე.წ. პარლამენტის პრესსამსახურის ცნობით, დრიაევმა იმედი გამოთქვა, რომ მისი კოლეგები მხარს დაუჭერენ მის პოზიციას გზის გახსნასთან დაკავშირებით.

ამასთან, სხდომაზე ე.წ. „დეპუტატმა“ აცამაზ კასაევმა დასვა საკითხი რუსულ-ქართული ბიზნეს საბჭოს მრგვალ მაგიდასთან დაკავშირებით, რომელიც, მისი თქმით, ცოტა ხნის წინ ვლადიკავკაზში გაიმართა და რომელზედაც გაჟღერდა ინიციატივა რუსეთსა და საქართველოს შორის ცხინვალის გავლით ტრანზიტის გახსნის შესახებ. კასაევმა აღნიშნა, რომ ე.წ. სამხრეთ ოსეთის ოფიციალურ პირებს ამ საკითხზე რეაგირება არ მოუხდენიათ.

ე.წ. „პარლამენტის თავმჯდომარის პირველი მოადგილის“ პეტრე გასიევის განცხადებით, გზის გახსნის წინადადება „კერძო ინიციატივაა“.

„ეს არის საზოგადოებრივი ორგანიზაცია და რაც უნდათ შეუძლიათ თქვან და მიიწვევენ თუ არა ვინმეს, ეს მათი საქმეა. მაგრამ ისინი რომ სახელმწიფოების წარმომადგენლები ყოფილიყვნენ, მაშინ, რა თქმა უნდა, საჭირო იყო შესაბამისი რეაგირება და იქ წასვლა“, - განაცხადა გასიევმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის