საქართველოს ტექნიკური უნივერსიტეტის „ანალიზხელსაწყოს“ სახურავზე მიმდინარე მზის ელექტროსადგურის მშენებლობა სლოვაკეთის რესპუბლიკის ელჩმა დაათვალიერა

საქართველოს ტექნიკური უნივერსიტეტის სამეცნიერო-სასწავლო და საწარმოო ცენტრის, „ანალიზხელსაწყოს“ სახურავზე მიმდინარე მშენებლობა სლოვაკეთის რესპუბლიკის საგანგებიო და სრულუფლებიანმა ელჩმა საქართველოში მატუ ბუოვსკმამ დაათვალიერა. ამის შესახებ ინფორმაციას სტუ ავრცელებს.

უნივერსიტეტის ცნობით, ღონისძიებას ესწრებოდნენ სტუ-ის ენერგეტიკის ფაკულტეტის დეკანი, პროფესორი ლენა შატაკიშვილი, დეკანის მოადგილე სამეცნიერო და საერთაშორისო ურთიერთობების დარგში ვახტანგ გვიშიანი, პროფესორები - გიორგი გიგინეიშვილი და ევტიხი მაჭავარიანი. ასევე, სლოვაკეთის რესპუბლიკის საელჩოს წარმომადგენელი ზუზანა პალოშოვა, SlovakAid-ის ფინანსური მენეჯერები საბინა ბურეშოვა და ანა-მარია ბენკოვა, სლოვაკეთის ტექნოლოგიური უნივერსიტეტის პროფესორი ჯუმა ჰაიდარი, ELVOSOLAR-ის გაყიდვების დირექტორი და დირექტორთა საბჭოს წევრი რადოვან ანჩიჩი.

საქართველოს ტექნიკურ უნივესიტეტის ენერგეტიკის ფაკულტეტის დეკანის თქმით, სტუ-ის სამეცნიერო-სასწავლო და საწარმოო ცენტრის, „ანალიზხელსაწყოს“ სახურავზე სლოვაკეთის მთავრობის გრანტით მიმდინარეობს 20 კვტ მზის ელექტროსადგურის მშენებლობა და ასევე, არაპირდაპირი გათბობის ციკლით და კონტროლის სისტემით, 1000 ლიტრი ცხელი წყლის ტევადობით, თერმული მზის სისტემის მონტაჟი.

„21-ე საუკუნეში შეუძლებელია პროგრესი არსებობდეს ეკოლოგიურად სუფთა ენერგიის მიღების გარეშე. საყოველთაოდ ცნობილი ფაქტია, რომ თანამედროვე თბური და ფოტოელექტრული სადგურები გამოირჩევა მაღალი ხარისხით, საიმედოობით, უახლეს ევროპულ სტანდარტებთან შესაბამისობით და გრძელვადიანი ექსპლუატაციის ვადით. საქართველოს ტექნიკური უნივერსიტეტი გამოწვევებს სათანადოდ პასუხობს, რისი ერთ-ერთი დასტური „ანალიზხელსაწყოს“ სახურავზე მიმდინარე მშენებლობაა, რომელიც 2022 წლის ოქტომბერში დაიწყო და მას ახორციელებს Viessmann-ის ფირმა, რომელიც არის გათბობის/გაგრილების სისტემების ერთ-ერთი წამყვანი მწარმოებელი მსოფლიოში. პროექტის ფარგლებში ანალიზხელსაწყოში მოეწყობა ლაბორატორია და ტრეინინგცენტრი, სადაც მოწვეული იქნებიან ადგილობრივი და სლოვაკეთის წამყვანი სპეციალისტები, რათა მათ მოამზადონ და გადაამზადონ განახლებადი ენერგიის სფეროში მომუშავე პერსონალი. ასევე ეს იქნება ჩვენი მოკლევადიანი პროფესიული პროგრამების მსენელებისათვის ახალი შესაძლებლობა ადგილზე შეისწავლონ და გაეცნონ განახლებად ენერგიებში არსებული თანამედროვე ტექნოლოგიები. ეს არის კიდევ ერთი წინგადადგმული ნაბიჯი განახლებადი ენერგიების ათვისების გზაზე საქართველოში“, - აცხადებს ენერგეტიკის ფაკულტეტის დეკანი.

სტუ-ის ინფორმაციით, საქართველოს ტექნიკური უნივერსიტეტის - სამეცნიერო-სასწავლო და საწარმოო ცენტრის, „ანალიზხელსაწყოს“ სახურავზე მიმდინარე მშენებლობა 2024 წლის იანვრის ბოლოს დასრულდება.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია