ირაკლი ქარსელაძე - სამტრედია-გრიგოლეთის ხიდის აღდგენის სამუშაოები ექსპერტიზის დასკვნის საფუძველზე შემუშავდება

რამდენიმე თვის წინ სამტრედია-გრიგოლეთის მაგისტრალური გზის პროექტის ფარგლებში მშენებარე საავტომობილო ხიდზე დაზიანდა ბურჯი, რომელმაც გამოიწვია ორი მალის ჩამოშლა, ამჟამად მიმდინარეობს ექსპერტიზა. საავტომობილო გზების დეპარტამენტის მოთხოვნით, მიზეზებს კომპლექსურად იკვლევს ლევან სამხარაულის სახელობის სასამართლო ექსპერტიზის ეროვნული ბიურო, - ამ განცხადებით რეგიონული განვითარებისა და ინფრასტრუქტურის მინისტრმა ირაკლი ქარსელაძემ დარგობრივი ეკონომიკისა და ეკონომიკური პოლიტიკის კომიტეტის სხდომაზე დეპუტატის მიერ დასმულ კითხვას უპასუხა.

მინისტრმა აღნიშნა, რომ ექსპერტიზის დასკვნის საფუძველზე შემუშავდება შესაბამისი საინჟინრო გადაწყვეტა, თუ როგორ უნდა აღდგეს აღნიშნული ხიდი.

„ამავდროულად, მიმდინარეობს გამოძიება ამ ფაქტთან დაკავშირებით და, რა თქმა უნდა, ამ მიმართულებითაც შესაბამისი შეფასებები იქნება“, - განაცხადა ქარსელაძემ.

მისივე თქმით, შესწავლის შედეგად დადგენილი მიზეზების გათვალისწინებით, დაიგეგმება როგორც შემდგომი გადაწყვეტები, ასევე პასუხისმგებლობების საკითხი, მათ შორის, ზიანის ანაზღაურების ნაწილში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია