„თიბისის“ მხარდაჭერით და Agile mentor-ის ორგანიზებით, 31 ოქტომბერს რესპუბლიკაში ეჯაილის მასშტაბური ტექნოლოგიური ღონისძიება Agile Summit გაიმართება. თიბისის“ ინფორმაციით, ღონისძიების მთავარი აქცენტია Heart of Agile — თუ როგორ შეიძლება ეჯაილ იდეები და ტექნიკები მოვარგოთ ნებისმიერი სახის ინიციატივებსა თუ ინდუსტრიებს და არამხოლოდ სოფთვეარ დეველოპმენტს.
„გამომსვლელებს შორის „ეჯაილ მანიფესტოს“ თანაავტორი ალისტერ ქობერნი და ანტონ მარკი, ეჯაილის საერთაშორისო კონსორციუმის მიერ სერტიფიცირებული ტრენერი და ქოუჩი იქნებიან. ადგილობრივ გამოცდილებას მსმენელს გუკა კიტია, თიბისის ეჯაილ მწვრთნელი დ ა ჯგუფის ლიდერი გაუზიარებს“, - ნათქვამია ინფორმაციაში.
„ეჯაილს“ ტექნოლოგიურ მიმართულებებში ჩაეყარა საფუძველი, შესაბამისად, ალისტერისა და მარკისთვის სპიკერობა ძალიან ბუნებრივი და ორგანულია. არატექნოლოგიურ მიმართულებებში ეს მიდგომა ახალია და „თიბისი“ ჩვენს ახალ გამოცდილებებს გაგიზიარებთ, თუ როგორ შევძელით პრაქტიკაში დაგვენერგა „ეჯაილ“ მიდგომები ჩვენს სამუშაო პროცესებში არატექნოლოგიური მიმართულებით“, - განაცხადა გუკა კიტიამ.
ღონისძიებაზე დამსწრეებს საშუალება ექნებათ დისტანციურად დაუსვან შეკითხვები „ეჯაილ მანიფესტოს“ თანაავტორს, ჩაერთონ ნეთვორქინგში, გაიცნონ ეჯაილ პრაქტიკოსები და დაინტერესებული პროფესიონალები სხვადასხვა ინდუსტრიიდან.
„თიბისისთვის“, როგორც ტექნოლოგიური კომპანიისთვის მნიშვნელოვანია „ეჯაილ„ პროცესების და მასზე ცნობიერების ამაღლების ღონისძიებების მხარდაჭერა.
ღონისძიებაზე დამსწრეების მსურველებს შეუძლიათ რეგისტრაცია გაიარონ ბმულზე.