ჯანდაცვის მინისტრის განცხადებით, სტომატოლოგიური კლინიკებისთვის 2024 წლის 1-ელი იანვრიდან ახალი სტანდარტები ამოქმედდება, ისინი კი, რომლებიც მოთხოვნებს ვერ დააკმაყოფილებენ, მუშაობას ვერ გააგრძელებენ

ჯანდაცვის მინისტრის, ზურაბ აზარაშვილის განცხადებით, დღეის მდგომარეობით, ქვეყანაში 2000-მდე სტომატოლოგიური კლინიკა ფუნქციონირებს.

როგორც მან ჟურნალისტებს მთავრობის სხდომის დასრულების შემდეგ განუცხადა, სტომატოლოგიური კლინიკები, რომლებიც გონივრულ ვადებში დაწესებულ ახალ სტანდარტებს ვერ დააკმაყოფილებენ, მუშაობა არ უნდა გააგრძელონ.

„სტომატოლოგიური მომსახურების მიმწოდებელთათვის ახალი სტანდარტები 2024 წლის პირველი იანვრიდან ამოქმედდება. ახალი სტომატოლოგიური კლინიკების შემთხვევაში, ჩვენ უნდა მოგვმართონ. ჩვენი შესაბამისი სამსახური, რეგულირების სააგენტო, ადგილზე მივა, შეამოწმებს ამ კრიტერიუმების მიხედვით, არის თუ არა ინფრასტრუქტურა მოწყობილი, არიან თუ არა შესაბამისი კვალიფიკაციის ექიმები, ასევე სხვადასხვა სკრინინგებთან და აცრებთან უნდა იყოს შესაბამისობაში. კლინიკებს ინფექციის კონტროლთან დაკავშირებული სხვადასხვა ღონისძიების გატარება მოუწევთ, რადგან იქ მისული პაციენტი მაქსიმალურად დაცული უნდა იყოს და სრულყოფილად შევთავაზოთ მაღალი ხარისხის მომსახურება. არსებულ კლინიკებს, ამ ორი თვის განმავლობაში, ექნებათ გამოსწორების შესაძლებლობა. დღეს 2000-მდე კლინიკაა რეგისტრირებული. ჩვენი შიდა სტანდარტის მიხედვით, განსაზღვრულია სანებართვო პირობები. ასევე, სხვადასხვა საფასური, თუმცა ნებართვის გაცემასთან დაკავშირებით ან მინიმალურია ან საერთოდ არ არის. გონივრულ ვადებში ვინც ვერ შეძლებს ელემენტარული სტანდარტების დაკმაყოფილებას, ვფიქრობ, ასეთმა ვერ უნდა გააგრძელოს მუშაობა“, - განაცხადა ზურაბ აზარაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის