ჯანდაცვის მინისტრმა განმარტა, როგორ მოხდება ონკოლოგიური პაციენტების დაფინანსება

ჯანდაცვის მინისტრმა, ზურაბ აზარაშვილმა განმარტა, როგორ მოხდება ონკოლოგიური პაციენტების დაფინანსება.

როგორც მან მთავრობის სხდომის დასრულების შემდეგ ბრიფინგზე განაცხადა, ცვლილება შეეხებათ ონკოლოგიური პაციენტების ქირურგიულ ჩარევებს, რომელიც ამ პროგრამაში არ იყო და დაემატა.

„აგვისტოს თვეში ჩვენ დასაფინანსებელი ონკოლოგიური პაციენტების სიას დავამატეთ 40 ათას ლარზე მეტი შემოსავლებით ადამიანები და მათ სრულად ვუფინანსებთ ამ მომსახურებას. იქ იყო ერთი ნიუანსი ონკოლოგიურ ქირურგიასთან დაკავშირებით, რაც დამატებით შევიყვანეთ. დღეს უკვე შეგვიძლია ვთქვათ, რომ არსებული ლიმიტის ფარგლებში როგორც სამედიცინო ჩარევის, ასევე მედიკამენტების ნაწილს ვაფინანსებთ. ზოგადად, საყოველთაო ჯანდაცვის პროგრამა ფარავს 40 ათას ლარამდე შემოსავლებით ჩვენს მოქალაქეებს, ხოლო ონკოლოგიური დიაგნოზის მქონე ადამიანების შემთხვევაში გამონაკლისი გავაკეთეთ და ვფარავთ 40 ათასზე მეტი შემოსავლით ადამიანების სხვადასხვა საჭიროებებს. ეს კონკრეტული ცვლილება შეეხებათ მათ ქირურგიულ ჩარევებს, რომელიც ამ პროგრამაში არ იყო და ჩავამატეთ“,-განაცხადა აზარაშვილმა.

მისი თქმით, დაფინანსების ლიმიტი ამ ეტაპზე არ გაზრდილა.

„ძალიან კარგი შედეგები გვაქვს ონკოლოგიური მედიკამენტების შესყიდვებთან დაკავშირებით. აქედან გამომდინარე, გაცილებით მეტი შესაძლებლობა იქმნება და ჩვენი სურვილია, რომ ეს ლიმიტი საერთოდ მოიხსნას ან საჭიროების მიხედვით, რამდენიც დასჭირდება, იმდენი დავუფინანსოთ, თუმცა, ამ შემთხვევაში, ლიმიტი ისევ რჩება, მაგრამ ონკოლოგიური მედიკამენტების შესყიდვის ხარჯზე საკმაოდ კარგი შედეგები გვაქვს“, - განაცხადა აზარაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის