ჯანდაცვის მინისტრი - ონკოლოგიური დიაგნოზის მქონე ბავშვების მკურნალობა წარმატებული პროექტია - როგორც კი წარმატებული პროექტი სახეზეა, ბევრი გამოჩნდება ხოლმე, ვისაც ეს არ უხარია და ცდილობს მის დისკრედიტაციას

ჯანდაცვის მინისტრმა, ზურაბ აზარაშვილმა დეზინფორმაცია უწოდა გავრცელებულ ინფორმაციას, თითქოს, ონკოლოგიური დიაგნოზის მქონე ბავშვები საზღვარგარეთ მკურნალობის პროგრამით ვერ სარგებლობენ. როგორც მან მთავრობის სხდომის დასრულების შემდეგ ბრიფინგზე განაცხადა, ჯანდაცვის სამინისტრომ ყველა მომართვა დააკმაყოფილა.

„ერთ-ერთი წარმატებული პროექტია, რომელიც მიმდინარე წლის აგვისტოს თვეში დავიწყეთ. სამწუხაროდ, როგორც კი წარმატებული პროექტი სახეზეა, ძალიან ბევრი გამოჩნდება ხოლმე ამ ქვეყანაში, ვისაც ეს არ უხარია და სხვადასხვა გზებით ცდილობენ პროექტის დისკრედიტაციას. ამ დისკრედიტაციის გამო, ჩვენ პასუხის გაცემაც კი მოგვიწია დღეს. რასაკვირველია, ეს არის სრული დეზინფორმაცია. არანაირი მსგავსი შემთხვევა მიმდინარე წელს არ ყოფილა. მოგეხსენებათ, ჩვენ 3 ქვეყანაში ვთავაზობთ ონკოლოგიური ბავშვების მკურნალობას: ისრაელში, თურქეთსა და ესპანეთში. არცერთი მომართვა არ ყოფილა დაკმაყოფილების გარეშე. დღესაც 13 პაციენტი მკურნალობს ამ 3 ქვეყნის სხვადასხვა კლინიკაში და არანაირი შეფერხება ან უარი ჩვენი მხრიდან არ ყოფილა. სამწუხაროდ, სიუჟეტები რაც გავრცელდა, იყო მხოლოდ მშრალი ინფორმაცია, არანაირი ინფორმაცია პაციენტის შესახებ ან როდის მოგვმართა, მსგავსი არაფერი ყოფილა. ჩვენ საფრანგეთში ჩვენს საელჩოსაც მივმართეთ და არც იქ ყოფილა მსგავსი შინაარსის მიმართვა. ძალიან სამწუხაროა, რომ ასეთი დამოკიდებულება აქვთ იმის ნაცვლად, რომ მხარდაჭერა და გვერდში დგომა გამოხატონ“, - განაცხადა აზარაშვილმა.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს