გორგასლის ქუჩაზე ცნობილი ქართველი მოქანდაკის, ელგუჯა ამაშუკელის ბიუსტი გაიხსნა

ვახტანგ გორგასლის ქ. N3-ში საქართველოს დამსახურებული მხატვრის, ცნობილი მოქანდაკის, ელგუჯა ამაშუკელის არქიტექტურულ-მხატვრული კომპოზიცია (ბიუსტი) გაიხსნა.

თბილისის მერიის ინფორმაციით, ღონისძიებას თბილისის მერის მოადგილე ანდრია ბასილაია და საკრებულოს თავმჯდომარე გიორგი ტყემალაძე დაესწრნენ.

„ჩვენს ქვეყანას ელგუჯა ამაშუკელის ძალიან ბევრი ნამუშევარი დარჩა. თბილისი ამ მიმართულებით განსაკუთრებით არის განებივრებული. ვეფხი და მოყმის ძეგლი და ქართლის დედა ელგუჯა ამაშუკელის ნამუშევრებია, რომლებიც გაიგივდა თბილისის იდენტობასთან. რა თქმა უნდა, მნიშვნელოვანია, რომ გაიხსნა ბიუსტი, რომელიც ამ დიდ ადამიანს მიაგებს პატივს. მინდა, მადლობა გადავუხადო ძეგლისა და იდეის ავტორს, ვახტანგ დავითაიას, ასევე, გელა ზაქარაიას, რომ ეს მნიშვნელოვანი პროექტი განხორციელდა“, - განაცხადა ანდრია ბასილაიამ.

უწყების ცნობითვე, თბილისის მუნიციპალიტეტის ადმინისტრაციულ საზღვრებში არქიტექტურულ-მხატვრული კომპოზიციის და მემორიალური დაფის განთავსებაზე დადებითი რეკომენდაცია შესაბამისმა კომისიამ 2022 წლის 28 ნოემბერს გასცა.

„მოქანდაკე გენადი ზაქარაიას მიერ შესრულებული ბრინჯაოს ნამუშევარი, რომელიც მუნიციპალიტეტს საჩუქრად გადაეცა, არქიტექტორ ვახტანგ დავითაიას მიერ წარმოდგენილი პროექტის მიხედვით განთავსდა.

არქიტექტურულ-მხატვრული კომპოზიციის განსათავსებლად თბილისის მუნიციპალიტეტის ბიუჯეტიდან 23 455 ლარი დაიხარჯა.

ბიუსტის გახსნას კრწანისისა და ისნის რაიონების მაჟორიტარი დეპუტატები ლევან ჯაფარიძე და კახა ლაბუჩიძე დაესწრნენ“,- ნათქვამია ინფორმაციაში.

დავით ზურაბიშვილი - ჩვენ გვყავს ხელისუფლება, რომელსაც არ აქვს განცდა, რომ ქართული სახელმწიფოს ხელმძღვანელია
სოფიო ხორგუანი - როდესაც ჩიხში შედიხარ, უნდა დაბრუნდე უკან და მოძებნო ის გზა, რომელიც ჩიხს აგარიდებს
ქართული პრესის მიმოხილვა 12.05.2025
ვალუტის გაცვლა ახლა უკვე Scapp-შია – სვის კაპიტალი აპლიკაციის ფუნქციონალს აფართოებს
ბრემენის უნივერსიტეტსა და აღმოსავლეთ ევროპის უნივერსიტეტს შორის თანამშრომლობის ფართო ხელშეკრულებას მოეწერა ხელი
Harmont & Blaine-მა თბილისში ახალი მონობრენდული მაღაზია გახსნა
PSP-სა და „MAGENTO“-ს სერტიფიცირებულ პარტნიორს „Bighorn Web Solution“ შორის ელ-კომერციის პლატფორმის სრულყოფილი განახლების კონტრაქტი გაფორმდა
„სილქ როუდ ჯგუფის“ პრესსამსახურის განცხადება