რიმა ბერაძე - არ არის მოსაწონი შეურაცხყოფა, არც ოპოზიციის და პოზიციის მხრიდან - ჩემთვისაც მოუყენებიათ შეურაცხყოფა, მამაკაცებზეც ვსაუბრობ და ქალებზეც, გენდერი აქ რა შუაშია?

არ არის ეს მოსაწონი (შეურაცხყოფა), არც ოპოზიციის და პოზიციის მხრიდან - ჩემთვისაც მოუყენებიათ შეურაცხყოფა, მამაკაცებზეც ვსაუბრობ და ქალებზეც, გენდერი აქ რა შუაშია? - ამის შესახებ უმრავლესობის დეპუტატმა რიმა ბერაძემ განაცხადა, რითაც მმართველი გუნდის წევრების მიერ ოპოზიციონერი ქალი დეპუტატების მისამართით გაკეთებულ შეურაცხმყოფელ განცხადებებს გამოეხმაურა.

რიმა ბერაძე არ ასახელებს, ვინ მიაყენა შეურაცხყოფა და ამბობს, რომ "წასული თემაა და სახელს და გვარს არ დაასახელებს".

"თავად ჩვენი ლიდერი მამუკა მდინარაძე გამოვიდა და თქვა, რომ ეს ფრაზეოლოგია იყო ჩვენი გუნდისთვის მიუღებელი. თავად გამოვიდა ბატონი ირაკლი შემდეგ და მოიხადა ბოდიში. ვფიქრობ, კოლეგიალურები უნდა ვიყოთ, ერთმანეთს პატივი ვცეთ და იმ ინსტიტუციას, სადაც ვიმყოფებით. რა თქმა უნდა, ასეთი დამოკიდებულება მიუღებელია, მაგრამ მე მექნება ერთი თხოვნა, რომ ეს უნდა გაითვალისწინოს ოპოზიციამ და პოზიციამ. იცით რა, ხშირი ყოფილა ისეთი შემთხვევა, რომ ჩემთვისაც მოუყენებიათ შეურაცხყოფა მამაკაც დეპუტატებსაც და ქალებსაც, სხვათა შორის. ოღონდ ეს ყოფილა კამერებს მიღმა. კამერებთანაც ყოფილა, მაგრამ მე ჩემს თავს ვეცი პატივი და არ გავეცი პასუხი იმ ქალბატონს, როგორიც მას ეკადრებოდა. მე მამაკაცებზეც ვსაუბრობ და ქალებზეც, გენდერი აქ რა შუაშია? ორთავე მხარეზე ვსაუბრობ. ჩემი მისამართითაც იყო სექსისტური განცხადება, მაგრამ წასული თემაა და სახელს და გვარს აღარ დავასახელებ,"- განაცხადა ბერაძემ.

ცნობისთვის, პარლამენტის პლენარულ სხდომაზე საპარლამენტო უმრავლესობის დეპუტატმა ირაკლი ბერაიამ პარლამენტის დამოუკიდებელ დეპუტატ თეონა აქუბარდიას შეურაცხმყოფელი რეპლიკებით მიმართა. გარდა ამისა, სიტყვიერი დაპირისპირება იყო ალუდა ღუდუშაურსა და ანა წითლიძეს შორისაც. წითლიძემ ღუდუშაურს „დებილი", "ქართული ოცნების" დეპუტატმა კი პარლამენტის ოპოზიციონერ წევრს "ბანძი" უწოდა: „შენ ხარ ბანძი ადამიანი, ჩვეულებრივი ბანძი ქალი ხარ”, - მიმართა ღუდუშაურმა წითლიძეს.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის