ზაზა ვაშაყმაძე სომეხთა სამოციქულო ეკლესიის საქართველოს ეპარქიის ეპისკოპოსს შეხვდა

საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე სომეხთა სამოციქულო ეკლესიის საქართველოს ეპარქიის ახლად არჩეულ ეპისკოპოსს, კირაკოს დავთიანს შეხვდა. აღნიშნულთან დაკავშირებით ინფორმაციას რელიგიის საკითხთა სახელმწიფო სააგენტო ავრცელებს.

მათი ცნობით, სააგენტოს თავმჯდომარემ დავითიანს ეპისკოპოსად არჩევა მიულოცა და განაცხადა, რომ ეპარქია ნაყოფიერად თანამშრომლობს რელიგიის სააგენტოსთან, მათ შორის, ინტერრელიგიური სათათბიროს ფორმატში.

ეპისკოპოსმა კირაკოს დავთიანმა მადლობა გადაუხადა სააგენტოს თავმჯდომარეს და განაცხადა, რომ 16 ნოემბერს, ტოლერანტობის საერთაშორისო დღეს, სომეხთა სამოციქულო ეკლესია უმასპინძლებს. რელიგიის სააგენტოს ინიციატივით, ტოლერანტობის საერთაშორისო დღეს ინტერრელიგიური სათათბიროს წევრები მონაცვლეობით აღნიშნავენ და ამჯერად, ჯერი სომეხთა ეკლესიის საქართველოს ეპარქიაზეა.

შეხვედრას ესწრებოდა რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო