„საქსტატში“ უწყებათაშორისი საბჭოს პირველი სხდომა გაიმართა

„საქსტატში“ უწყებათაშორისი საბჭოს პირველი სხდომა გაიმართა. უწყებათაშორისი საბჭო სტატისტიკის სისტემის 2024-2027 წლების სტრატეგიისა და სამოქმედო გეგმის შემუშავების მიზნით, საქართველოს მთავრობის დადგენილების საფუძველზე მიმდინარე წლის აგვისტოში შეიქმნა.

საბჭოს თავმჯდომარე „საქსტატის“ აღმასრულებელი დირექტორი გოგიტა თოდრაძეა და იგი თერთმეტი უწყების წარმომადგენლისგან შედგება.

შეხვედრაზე საბჭოს წევრებმა სტატისტიკის ეროვნული სისტემის განვითარების სტრატეგიისა და სამოქმედო გეგმის შემუშავების პროცესი მიმოიხილეს. ისაუბერეს არსებულ გამოწვევებსა და სამომავლო გეგმებზე. მონაწილეებს სიტყვით მიმართა საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ. მისი თქმით, “სტრატეგიული დოკუმენტის მომზადების მიზანს წარმოადგენს ქვეყანაში სტატისტიკის სისტემის განვითარება, სტატისტიკურ მონაცემთა შეგროვების, დამუშავების, გავრცელებისა და გამოყენების გაუმჯობესება. ამასთან, აღნიშნული სტრატეგია განიხილება, როგორც ეროვნული პოლიტიკის დოკუმენტი და მოიცავს საშუალო და გრძელვადიან ხედვას ქვეყანაში სტატისტიკის სისტემის შესაძლებლობების გაძლიერებისათვის”.

ღონისძიებას უწყებათაშორისი საბჭოს წევრებთან ერთად ესწრებოდნენ გაეროს განვითარების პროგრამის (UNDP) წარმომადგენლები, ასევე, პროექტში ჩართული ადგილობრივი ექსპერტები.

შეხვედრის დასასრულს გაიმართა დისკუსია და წარდგენილ იქნა კონკრეტული გეგმები, სტრატეგიული დოკუმენტის შემუშავებისა და ქვეყანაში სტატისტიკის სისტემის შემდგომი განვითარების თვალსაზრისით.

აღნიშნულის შესახებ ინფორმაციას „საქსტატი“ ავრცელებს.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო