არ შეიძლება არსებობდეს ერთი სტანდარტი უკრაინისთვის და მეორე პალესტინისთვის, - ამის შესახებ თურქეთის საგარეო საქმეთა მინისტრმა, ჰაკან ფიდანმა განაცხადა.

ირანელ კოლეგასთან ერთად გამართულ პრესკონფერენციაზე ჰაკან ფიდანმა აღნიშნა, რომ საერთაშორისო საზოგადოება უკრაინის გარშემო გაერთიანდა, მაგრამ ღაზას ბედზე დუმს.

„არ შეიძლება არსებობდეს ერთი სტანდარტი უკრაინისთვის და მეორე პალესტინისთვის. თუ ჩვენ გვინდა სამართლიანი სამყარო, ჩვენ ყოველთვის პრინციპულად და თანმიმდევრულად უნდა ვიმოქმედოთ“, - განაცხადა ფიდანმა.