ოკუპირებულ აფხაზეთში პატიმრობაში მყოფი ირაკლი ბებუას მხარდასაჭერად, პარტია „ლელო“ პარლამენტთან სოლიდარობის აქციას მართავს

ოკუპირებულ აფხაზეთში, პატიმრობაში მყოფი ირაკლი ბებუას მხარდასაჭერად პარტია „ლელო“ პარლამენტის უკანა შესასვლელთან სოლიდარობის აქციას მართავს.

მათ ხელში უჭირავთ ბანერი, წარწერით, „სოლიდარობა ირაკლი ბებუას”.

„ლელოს“ წევრის, ლანა გალდავას განცხადებით, ირაკლი ბებუას გათავისუფლება ეროვნული ინტერესის და ღირსების საქმეა.

„ჩვენ, „ლელო”, ირაკლი ბებუასა და დანარჩენ ადამიანებს, რომლებიც როგორც სოხუმის, ასევე ცხინვალის იზოლატორებში იმყოფებიან, სოლიდარობას ვუცხადებთ. ირაკლი ბებუას და ქრისტინა თაკალანძის ჯანმრთელობის მდგომარეობა დამძიმებულია და სასწრაფოდ საჭიროებს რეაგირებას. სახელმწიფოს, ხელისუფლებას შეუძლია, რომ ძალისხმევა საერთაშორისო დონეზე გააძლიეროს. ბებუას გათავისუფლება ეროვნული ინტერესის, ღირსების საქმეა. საჭიროა, რომ ყველა არსებული ბერკეტი გამოიყენონ, ამის ბერკეტები აქვთ განსაკუთრებით ძალოვან უწყებებს. თუ ისურვებენ, იქნება სახელმწიფოებრივი მიდგომა და პატრიოტული სულისკვეთება, ეს ადამიანები სწრაფად უნდა დაუბრუნდნენ საკუთარ ოჯახებს”, - განაცხადა ლანა გალდავამ.

ცნობისთვის, ირაკლი ბებუა 2020 წლის სექტემბერში დააკავეს. მან გალის რაიონში „აფხაზეთის ე.წ. სახელმწიფო დროშა“ დაწვა. ის ოკუპირებული აფხაზეთის დე ფაქტო სასამართლომ „სახელმწიფო სიმბოლიკის შეურაცხყოფის", „სხვისი ქონების განზრახ დაზიანების" და „საბრძოლო მასალის უკანონოდ შენახვის" მუხლებით გაასამართლა. მას 2020 წლის 7 დეკემბერს 9 წლით თავისუფლების აღკვეთა მიესაჯა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის