აშშ-ის სახელმწიფო მდივანმა ენტონი ბლინკენმა და საუდის არაბეთის თავდაცვის მინისტრმა ღაზაში შექმნილი ჰუმანიტარული სიტუაცია განიხილეს, - ამის შესახებ ინფორმაციას აშშ-ის სახელმწიფო დეპარტამენტი ავრცელებს.

„სახელმწიფო მდივანმა თავდაცვის მინისტრთან შეხვედრისას ხაზი გაუსვა ღაზაში ჰუმანიტარული საჭიროებების დაკმაყოფილების, კონფლიქტის შემდგომი გავრცელების პრევენციის, რეგიონული სტაბილურობისა და უსაფრთხოების განმტკიცების აუცილებლობას“, - ნათქვამია აშშ-ის სახელმწიფო დეპარტამენტის განცხადებაში.

აშშ-ის სახელმწიფო დეპარტამენტის ცნობით, ბლინკენმა პრინც ხალიდ ბინ სალმან ალ საუდთან ისრაელსა და პალესტინას შორის მშვიდობის მიღწევის მნიშვნელობაზე ისაუბრა.