„კორუფცია“ „გაფლანგვა“ - ეს ზეპირი სიტყვებია! - დღემდე არაფერი წარმოუდგენიათ, ან, რა უნდა წარმოადგინონ, რაც ბუნებაში არ არსებობს, - ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ პარლამენტში სიტყვით გამოსვლისას განაცხადა.

მისივე თქმით, როდესაც საუბრობენ კორუფციასა და ტენდერებზე, კონკრეტული არგუმენტები არ აქვთ.

„კორუფცია“ „გაფლანგვა“ - ეს ზეპირი სიტყვებია! 2018 წლიდან ინფრასტრუქტურის სამინისტროს და საგზაო დეპარტამენტის წიაღში ვარ და დღემდე არაფერი წარმოუდგენიათ. ან, რა უნდა წარმოადგინონ, რაც ბუნებაში არ არსებობს?!

საუბრობენ კორუფციაზე, ტენდერებზე, მაგრამ კონკრეტული არგუმენტი იმის, თუ რომელიმე ტენდერი არის რაღაც ისეთი პირობით, სადაც შეზღუდული აქვს მონაწილეობა პოტენციურ პრეტენდენტებს, არ არსებობს. საუბარია გაფლანგვაზე, გაფლანგვას ეძახიან იმ საკითხებს, რომელზეც არბიტრაჟები გვაქვს მოგებული“, - აღნიშნა მინისტრმა.