რუსულმა ძალებმა წუხელ ხარკოვსა და მის შემოგარენზე მასიური თავდასხმა განახორციელა, - ინფორმაციას უკრაინული მედია ავრცელებს. მათივე ინფორმაციით, რუსებმა სამოქალაქო ინფრასტრუქტურას მინიმუმ 10 დრონით დაარტყეს. თავდასხმის შედეგად ავტოფარეხები და ავტომობილები დაიწვა. დაზიანდა რამდენიმე შენობა.

წინასწარი მონაცემებით, მსხვერპლი არ არის. ამასთან, დაბომბვის შედეგად ცეცხლი გაუჩნდა საცხოვრებელ კორპუსს, ავტოგასამართ სადგურს და ადმინისტრაციულ შენობას. ამ დროისთვის, ხანძრის ყველა კერა ლოკალიზებულია.