ისრაელი „ჰეზბოლას“ მხრიდან ჩრდილოეთ საზღვარზე რაიმე სახის ესკალაციას მოქმედებით უპასუხებს და არა სიტყვებით, - ამის შესახებ ისრაელის თავდაცვის ძალების პრესსპიკერმა, დანიელ ჰაგარიმ განაცხადა.

ისრაელელმა სამხედროებმა ბოლო რამდენიმე კვირის განმავლობაში ლიბანში „ჰეზბოლას“ ობიექტებს არაერთხელ მიიტანეს იერიში. ისრაელის არმიამ გუშინ განაცხადა, რომ ისრაელის მიმართულებით გაშვების საპასუხოდ ლიბანში „ჰეზბოლას“ რამდენიმე სამიზნეს დაარტყეს.

„ჰეზბოლამ“ გუშინ გაავრცელა განცხადება, რომელშიც ნათქვამია, რომ ისრაელ-ლიბანის საზღვრის გასწვრივ ისრაელის ყაზარმებზე "ძალიან პირდაპირი დარტყმები განახორციელეს.“

ჰეზბოლას ლიდერი ჰასან ნასრალა დღეს საჯარო განცხადების გაკეთებას გეგმავს. კითხვაზე, მოსალოდნელია თუ არა ამ ფონზე სიტუაციის ესკალაცია, დანიელ ჰაგარიმ უპასუხა, რომ ისრაელი მოქმედებით უპასუხებს და ხაზი გაუსვა, რომ ესკალაციისთვის მზად არიან.