Archer-ის ტიპის რვა საარტილერიო დანადგარი უკრაინაშია, - ამის შესახებ ინფორმაციას შვედეთის თავდაცვის სამინისტრო ავრცელებს.

„ეს, რა თქმა უნდა, უკრაინელებისთვის მნიშვნელოვანია, რადგან Archer-ის სისტემას მაღალი სიზუსტე აქვს“, - განაცხადა შვედეთის თავდაცვის მინისტრმა, პოლ იონსონმა.

Archer-ი მსოფლიოში ერთ-ერთი ყველაზე მოწინავე საარტილერიო სისტემაა, რომელსაც ჭურვების გასროლა 50 კილომეტრის მანძილზე შეუძლია.

ცნობისთვის, შვედეთის მთავრობამ გადაწყვეტილება, Archer-ის ტიპის საარტილერიო დანადგარების უკრაინისთვის გადაცემის შესახებ, მიმდინარე წლის იანვარში მიიღო.