„აწარმოე საქართველოში" ხელშეწყობით საქართველოში ოპერირება BPO ინდუსტრიის მსოფლიო ლიდერმა კომპანია Teleperformance-მა დაიწყო

სააგენტო „აწარმოე საქართველოში" ძალისხმევითა და მჭიდრო თანამშრომლობით ციფრული ბიზნეს სერვისებისა და მომხმარებელთა მომსახურების (CX) გლობალურმა ლიდერმა, ფრანგულმა კომპანია Teleperformance-მა საქართველოში ოპერირება დაიწყო.

სააგენტოს „აწარმოე საქართველოში“ ინფორმაციით, ბიზნეს პროცესების დისტანციურად მიწოდების სერვისის (BPO) ინდუსტრიის წამყვანმა კომპანიამ საქართველოში საქმიანობის დაწყება ქვეყანაში არსებული იმ უპირატესობების სიღრმისეულად შესწავლის შედეგად გადაწყვიტა, რომელსაც საქართველო უცხოელ ინვესტორებს სთავაზობს.

საქართველოში ინვესტირების გადაწყვეტილებისას მთავარი როლი ითამაშა ისეთმა ფაქტორებმა, როგორიცაა სხვადასხვა უცხო ენის მაღალ დონეზე ცოდნა, განათლებული მუშახელი, ხელსაყრელი ბიზნესგარემო და ხარჯების ეფექტურობა.

„ბოლო წლების განმავლობაში საქართველომ მოიპოვა საკუთარი ნიშა BPO ინდუსტრიაში და ჩამოყალიბდა ახალ კონკურენტუნარიან მოთამაშედ გლობალურ მომხმარებელთა მომსახურების ბაზარზე. ფრანგული კომპანია Teleperformance BPO ინდუსტრიის ტოპმოთამაშეა, რომელმაც საქართველოში ინვესტირებითა და საქმიანობის დაწყებით დაადასტურა ჩვენი ქვეყნის პოტენციალი, რომ აქ არსებული ჯანსაღი ბიზნეს გარემო და შესაძლებლობები ძლიერ კონკურენციას უწევს მსოფლიოს სხვა ქვეყნებს", - აღნიშნა სააგენტოს დირექტორმა მიხეილ ხიდურელმა.

Teleperformance 1978 წელს საფრანგეთში შეიქმნა. კომპანია მომხმარებლებთან ურთიერთობის მენეჯმენტის, კონტენტის მოდერაციის, კომუნიკაციის უზრუნველყოფითა და ტელემარკეტინგის სფეროში უდიდესი გამოცდილებითაა ცნობილი.

Teleperformance ამ ეტაპზე მსოფლიოს მასშტაბით 410 000-ზე მეტ ადამიანს ასაქმებს.

სერგი კაპანაძე - კონფლიქტების თემებზე ჩვენს საზოგადოებაში უნდა არსებობდეს ფართო კონსენსუსი და დიალოგის დაწყებამდე ჩვენ თავად უნდა გვქონდეს განსაზღვრული, რისი მიღწევა გვსურს დიალოგის შედეგად
ქართული პრესის მიმოხილვა 04.12.2023
„ევექსის“ ბავშვთა ნეიროგანვითარების ცენტრი „კარავი“ გაიხსნა
ტექტო ჯგუფი: ISO სერტიფიკატის მფლობელი სამშენებლო კომპანია
ზუმერმა Trade-In წარადგინა
ნაზილბე BDO Digital-თან პარტნიორობით მერჩანდაიზინგის თანამედროვე სისტემას ABM Shelf-ს ნერგავს
„სმარტ კაპიტალ ჯგუფის“ ფონდების მხარდაჭერით ნოდარ დუმბაძის საიუბილეო წიგნები გამოიცა
რივერ პარკი - Index | Wealth Management-ის ახალი პროექტი
სილქნეტი - საქველმოქმედო გალა-ვახშამი და „დაჭრილ მებრძოლთა თანადგომის ფონდის“ ანგარიში
თბილისში „ქეი-ეფ-სი“-ს მე-15 რესტორანი  გაიხსნა
ახალი წლის მოლოდინი და 2024 წლის ტენდენციები