ვოლოდიმირ ზელენსკი 128-ე ბრიგადის ჯარისკაცების დაღუპვაზე - ამ ტრაგედიის თავიდან აცილება შეიძლებოდა

უკრაინის პრეზიდენტი ვოლოდიმირ ზელენსკი რუსული ძალების მიერ 128-ე სამთო თავდასხმის ბრიგადაზე განხორციელებულ თავდასხმას ეხმაურება, რის შედეგადაც ათობით უკრაინელი ჯარისკაცი დაიღუპა და დაიჭრა.

"ეს არის ტრაგედია, რომლის თავიდან აცილებაც შეიძლებოდა. ტრაგედიასთან დაკავშირებით სისხლის სამართლის საქმეც აღიძრა. მიმდინარეობს შესაბამისი გამოძიება", - აღნიშნა პრეზიდენტმა.

ზელენსკის თქმით, თავდაცვის მინისტრმა რუსტემ უმეროვმა მას მოახსენა ტრაგედიის ყველა გარემოების გასარკვევად მიღებული ზომების შესახებ.

ცნობისათვის, 3 ნოემბერს, ზაპოროჟიეს ოლქის სოფელ ზარეჩნოეს მახლობლად, რუსები დაჯილდოების ცერემონიაზე შეკრებილ უკრაინის შეიარაღებული ძალების 128-ე ბრიგადის ჯარისკაცებს „ისკანდერ-მ“ ტიპის რაკეტის დაესხნენ თავს. მედიის ინფორმაციით, ათობით უკრაინელი ჯარისკაცი დაიღუპა და დაშავდა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად