ლევან დავითაშვილი - 2023 წელს 100 მეგავატზე მეტი სიმძლავრის ელექტროსადგურები შევლენ ექსპლუატაციაში, რაც უპრეცედენტო შედეგი იქნება ბოლო წლების განმავლობაში

ჩვენთვის და ზოგადად, მსოფლიოს ყველა ქვეყნისთვის მნიშვნელოვანი რჩება განახლებადი წყაროებიდან ენერგეტიკული პროექტების განხორციელება, ამიტომ ახლა ვმუშაობთ მხარდაჭერის სქემის ფარგლებში მეორე აუქციონის ჩატარებაზე, რომელიც საშუალებას მოგვცემს, საინვესტიციო პროექტები სახელმწიფოს მხრიდან მხარდაჭერილი იყოს ფასის გარანტიებით, რაც ინვესტორებს მისცემს საშუალებას, უფრო ადვილად შეძლონ ფინანსური რესურსების მობილიზება და პროექტების განხორციელება, - ამის შესახებ ეკონომიკის მინისტრმა ლევან დავითაშვილმა მთავრობის სხდომის დასრულების შემდეგ მედიის წარმომადგენლებთან განაცხადა.

როგორც ეკონომიკის სამინისტროს მიერ გავრცელებულ ინფორმაციაშია აღნიშნული, დღევანდელ მთავრობის სხდომაზე, ეკონომიკის სამინისტროს ინიცირებით, კიდევ ორი ენერგეტიკული პროექტი განიხილეს, რომელთა განხორციელებაც სამეგრელო-ზემო სვანეთისა და რაჭა-ლეჩხუმის რეგიონში იგეგმება.

„აქედან ერთი პროექტი არის კვლევების დასრულების ფაზაში და მალე გადავა სამშენებლო ეტაპზე, ხოლო მეორე - კვლევების დაწყების ეტაპზე. ზოგადად, ჩვენი გეგმაა, რომ წლის ბოლომდე, 2023 წელს 100 მეგავატზე მეტი სიმძლავრე შევიდეს ექსპლუატაციაში, რაც, ბოლო წლების განმავლობაში უპრეცედენტო შედეგი იქნება და მომავალ წლებში ჩვენ ეს დინამიკა უნდა შევინარჩუნოთ - ვისაუბროთ არამხოლოდ პროექტების შეკვრაზე, ფინანსების მოძიებასა და მხარდაჭერის სქემაზე , არამედ უშუალოდ განხორციელებასა და დამატებითი ენერგოპოტენციალის გაჩენაზე ჩვენს ეკონომიკაში“, - აღნიშნა ლევან დავითაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024