ჩვენი გამარჯვება, თქვენი გამარჯვებაა, - ამის შესახებ ისრაელის პრემიერ-მინისტრმა ბენიამინ ნეთანიაჰუმ უცხოელ ელჩებს განუცხადა.

იერუსალიმში ნეთანიაჰუმ უცხოელ ელჩებთან შეხვედრა გამართა, სადაც აღნიშნა, რომ „ჰამასის“ წინააღმდეგ ომი ადგილობრივ ბრძოლას არ წარმოადგენს.

„თუ ახლო აღმოსავლეთი ტერორიზმის ღერძის ხელში აღმოჩნდება, შემდეგი ევროპა იქნება“, - განაცხადა ნეთანიაჰუმ.

ისრაელის პრემიერმა დაამატა, რომ მას შემდეგ, რაც ისრაელი „ჰამასს“ გაანადგურებს, ის ღაზის მოსახლეობას „ნამდვილ და იმედიან მომავალს“ შესთავაზებს.