CNN - აშშ ისრაელისთვის 320 მილიონი დოლარის ღირებულების ზუსტი ბომბების გადაცემას გეგმავს

შეერთებული შტატები ისრაელისთვის 320 მილიონი აშშ დოლარის ღირებულების ზუსტი მართვადი ბომბის აღჭურვილობის გადაცემას გეგმავს, - ინფორმაციას CNN-ი ავრცელებს.

Spice Family Gliding Bomb Assemblies-ის ისრაელისთვის გადაცემას კონგრესის შესაბამისმა კომიტეტებმა მხარი რამდენიმე თვის წინ, მანამდე დაუჭირეს, სანამ ქვეყანას „ჰამასი“ დაესხმებოდა თავს.

მანამდე, გამოცემა Wall Street Journal-მა გაავრცელა ინფორმაცია, რომ სახელმწიფო დეპარტამენტმა კონგრესის ლიდერებს ოფიციალური შეტყობინება გაუგზავნა, სადაც აღნიშნულია, რომ იარაღის მწარმოებელი კომპანია Rafael USA აღნიშნულ ბომბებს გადასცემს თავის ისრაელელ დედობილ კომპანიას, Rafael Advanced Defense Systems-ს, რათა შემდეგ ის ისრაელის თავდაცვის სამინისტრომ გამოიყენოს.