სემეკი განახლებადი ენერგიების შესახებ ცნობიერების ამაღლების კამპანიაში ჩაერთო
განახლებად ენერგიებზე ცნობიერების ამაღლების შესახებ კამპანიის მეორე ეტაპი დაიწყო. ამის შესახებ ინფორმაციას სემეკი ავრცელებს.
მათივე ცნობით, პროექტში, რომელიც ევროპის რეგულატორთა საბჭო (CEER) EU4Energy-ს პროგრამის ფარგლებში, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) თანამშრომლობით ხორციელდება, საქართველოს მასშტაბით რამდენიმე სკოლაა ჩართული.
ინფორმაციის თანახმად, კამპანია განკუთვნილია სკოლის მოსწავლეებისთვის და განახლებადი ენერგიების მნიშვნელობის შესახებ სხვადასხვა განმავითარებელ აქტივობებს მოიცავს.
„კამპანიის მეორე ეტაპის ფარგლებში, პირველი შეხვედრა თბილისის N182 საჯარო სკოლაში გაიმართა, სადაც სემეკის ელექტროენერგეტიკის დეპარტამენტის დირექტორის მოადგილე, თორნიკე აფრიაშვილმა სკოლის მოსწავლეებს განახლებადი ენერგიების შესახებ ინფორმაცია მიაწოდა.
განახლებად ენერგიებზე ცნობიერების ამაღლების შესახებ ინიციატივა ევროკავშირის დაფინანსებით ხორციელდება და მისი ბიუჯეტი 8.5 მლნ. ევროს შეადგენს. პროექტი ერთობლივად ხორციელდება CEER-ის, საერთაშორისო ენერგეტიკული სააგენტოს (IEA) და ენერგეტიკული გაერთიანების სამდივნოს (EnCS) მიერ“, - ნათქვამია ინფორმაციაში.
v-if="article.gallery" v-html="article.gallery"
