დადგება დღე, როდესაც, საერთაშორისო საზოგადოებისა და თანამეგობრობის ძალისხმევით, ყველა დამნაშავე პასუხს აგებს, - ამის შესახებ „ხალხის ძალის" ერთ-ერთმა ლიდერმა, დეპუტატმა სოზარ სუბარმა ჟურნალისტებთან განაცხადა, რითაც სოფელ კირბალთან მომხდარს - საოკუპაციო რეჟიმის მიერ საქართველოს მოქალაქის ლიკვიდაციას გამოეხმაურა.

„მთავარი დამნაშავის, ვლადიმერ პუტინის მიმართ სისხლის სამართლის საერთაშორისო სასამართლოს გამოტანილი აქვს ბრალის წარდგენისა და ძებნის დადგენილება. აუცილებლად დადგება დღე, როდესაც საერთაშორისო საზოგადოებისა და თანამეგობრობის ძალისხმევითა და მაქსიმალური ჩართულობით, ყველა დამნაშავე პასუხს აგებს", - განაცხადა სოზარ სუბარმა.