ღაზის სექტორში დაღუპული ისრაელელი ჯარისკაცების რიცხვი 31-მდე გაიზარდა

ისრაელის თავდაცვის ძალებში აცხადებენ, რომ ღაზის სექტორის ჩრდილოეთ ნაწილში „ჰამასის“ ტერორისტების წინააღმდეგ ბრძოლაში მათი კიდევ ერთი ჯარისკაცი დაიღუპა.

მათივე ინფორმაციით, 28 წლის იაკოვ ოზერი 31-ე ჯარისკაცია, რომელიც ისრაელის მიერ ღაზაში სახმელეთო ოპერაციის დაწყების შემდეგ დაიღუპა.

ისრაელმა ღაზაზე საპასუხო იერიში მას შემდეგ დაიწყო, რაც „ჰამასმა“, 7 ოქტომბერს, ქვეყანაზე მოულოდნელი თავდასხმა განახორციელა, რის შედეგადაც 1400 ადამიანი დაიღუპა, 200-ზე მეტი კი მძევლად აიყვანეს.