საქართველოში პირველად, „თიბისის“ მხარდაჭერით, CX ბიზნეს სამიტი გაიმართა. ინფორმაციას „თიბისი“ ავრცელებს.
მათივე ცნობით, სამიტზე მომხმარებლის გამოცდილების მართვის განსხვავებული მიდგომები და წარმატების ისტორიები სხვადასხვა ინდუსტრიებში, ამ კუთხით გამორჩეულმა ქართულმა კომპანიებმა გააზიარეს.
„CX Business Summit-ზე მთავარი სპიკერი საერთაშორისო CX ექსპერტი, კონსულტანტი და არაერთი წიგნის ავტორი - Shaun Belding იყო. სამიტზე კომპანიების მენეჯმენტს და დამსწრე აუდიტორიას საშუალება ჰქონდათ, CX მართვის მიდგომები და სისტემები გაეცნოთ.
ღონისძიების ორგანიზატორი CX Hub-ია. კომპანიის მიზანია Customer Experience-ის (CX) სისტემური მართვის ჩამოყალიბებაში ბიზნესის პარტნიორი გახდეს და ბიზნესს ჯანსაღ ზრდასა და განვითარებაში დაეხმაროს. ეს კი საბოლოო ჯამში, დამატებითი სარგებლის მომტანი იქნება მომხმარებლისთვის კომპანიებთან ურთიერთობაში გამოცდილების გაუმჯობესების სახით,“ - აღნიშნულია გავრცელებულ ინფორმაციაში.
