ისრაელის თავდაცვის ძალები - ღაზაში „ჰამასის“ 130 გვირაბი გავანადგურეთ
ისრაელის თავდაცვის ძალებში აცხადებენ, რომ ღაზაში, ომის დაწყების შემდეგ, „ჰამასის“ 130 გვირაბი გაანადგურეს.
"ღაზაში მებრძოლები ანადგურებენ მტრის იარაღს და პოულობენ და აფეთქებენ გვირაბებს. ღაზის სექტორში სახმელეთო ოპერაციის გაფართოებით ჯარისკაცები ანადგურებენ „ჰამასის“ ტერორისტულ ინფრასტრუქტურას", - აცხადებენ ისრაელის თავდაცვის ძალებში.
მათივე ინფორმაციით, ასევე გაანადგურეს „ჰამასის“ გვირაბი, რომელიც ჩრდილოეთ ღაზაში, გაერო-ს პალესტინელ ლტოლვილთა დახმარების სააგენტოს მფარველობის ქვეშ არსებულ სკოლასთან ახლოს მდებარეობდა.
