„რეფორმებისა და კვლევის ჯგუფი“, „რეგიონის ხმა“ და ორგანიზაცია „წერტილი“ ევროკომისიის დადებით რეკომენდაციასთან დაკავშირებით ერთობლივ განცხადებას ავრცელებენ

„რეფორმებისა და კვლევის ჯგუფი“, „რეგიონის ხმა“ და ორგანიზაცია „წერტილი“ ერთობლივ განცხადებას ავრცელებენ ევროკომისიის დადებით რეკომენდაციასთან დაკავშირებით.

როგორც განცხადებაშია ნათქვამი, მნიშვნელოვანია, საქართველოს ხელისუფლებამ გაითვალისწინოს ქართველი ხალხის ურყევი ნება და შეასრულოს ის პირობები, რასაც ჩვენი ევროპელი მეგობრები ევროინტეგრაციის გზაზე გვისახავენ.

„საქართველოს თითოეულ მოქალაქეს ვულოცავთ ევროკომისიის მიერ საქართველოსთვის კანდიდატის სტატუსის მინიჭების შესახებ დადებითი რეკომენდაციის გაცემას. გულითად მადლობას ვუხდით ჩვენს ევროპელ მეგობრებსა და პარტნიორებს, ქართველი ხალხის ბრძოლისა და ევროპული მისწრაფებების დაფასებისთვის.

თითოეულ ჩვენგანს გვახარებს ქართველი ხალხისადმი ევროკავშირის მიერ გამოხატული სრული ნდობა და მხარდაჭერა. „შენ ევროკავშირში∙YOU in EU’’ კამპანიის მონაწილეებმა, მოსახლეობასთან გამართული შეხვედრების დროს, კიდევ ერთხელ ნათლად დავინახეთ ქართველი ხალხის ნება, ქვეყანა გაწევრიანდეს ევროკავშირში.

„შენ ევროკავშირში∙YOU in EU’, როგორც შენი, ჩემი, ჩვენი კამპანია გაგრძელდება მანამ, სანამ ევროკავშირი საბოლოოდ არ გადაწყვეტს საქართველოსთვის კანდიდატი ქვეყნის სტატუსის მონიჭებას.

მნიშვნელოვანია, საქართველოს ხელისუფლებამ გაითვალისწინოს ქართველი ხალხის ურყევი ნება და შეასრულოს ის პირობები, რასაც ჩვენი ევროპელი მეგობრები ევროინტეგრაციის გზაზე გვისახავენ.

კამპანიის ფარგლებში, ვაგრძელებთ მოსახლეობასთან შეხვედრებს. კერძოდ, ამა წლის 11 და 12 ნოემბერს, კახეთს ვეწვევით. ჩვენ მოვალთ თქვენს სოფელში, დაბასა თუ ქალაქში და ვისაუბრებთ, როგორ შევუწყოთ ხელი ევროკავშირის კანდიდატის სტატუსის მიღებას.

ჩვენი მიზანი უცვლელია -საქართველოს მასშტაბით, ევროინტეგრაციის მხარდამჭერი ადამიანების გაერთიანება, ქართულ და ევროპულ ღირებულებებს შორის კავშირის განმტკიცება და თითოეული მოქალაქის ევროპული ხმის გაგონება.

გახსოვდეს, შენ ევროკავშირში გელოდებიან!-აღნიშნულია განცხადებაში.

სერგი კაპანაძე - კონფლიქტების თემებზე ჩვენს საზოგადოებაში უნდა არსებობდეს ფართო კონსენსუსი და დიალოგის დაწყებამდე ჩვენ თავად უნდა გვქონდეს განსაზღვრული, რისი მიღწევა გვსურს დიალოგის შედეგად
ქართული პრესის მიმოხილვა 04.12.2023
ნაზილბე BDO Digital-თან პარტნიორობით მერჩანდაიზინგის თანამედროვე სისტემას ABM Shelf-ს ნერგავს
„სმარტ კაპიტალ ჯგუფის“ ფონდების მხარდაჭერით ნოდარ დუმბაძის საიუბილეო წიგნები გამოიცა
რივერ პარკი - Index | Wealth Management-ის ახალი პროექტი
სილქნეტი - საქველმოქმედო გალა-ვახშამი და „დაჭრილ მებრძოლთა თანადგომის ფონდის“ ანგარიში
თბილისში „ქეი-ეფ-სი“-ს მე-15 რესტორანი  გაიხსნა
ახალი წლის მოლოდინი და 2024 წლის ტენდენციები