ანტიკორუფციული ბიუროს უფროსი რაჟდენ კუპრაშვილი სამუშაო ვიზიტით ესპანეთში იმყოფება, სადაც ის კატალონიის თაღლითობასთან ბრძოლის ოფისის დირექტორ, მიგელ ანხელ ხიმენო უბეროსას შეხვდა.

ანტიკორუფციული ბიუროს ცნობით, თაღლითობასთან ბრძოლის ოფისი ესპანეთში მოწინავე პოზიციას იკავებს კორუფციული გამოძიების საქმეების რაოდენობით, საკანონმდებლო ცვლილების შეთავაზებისა და პოლიტიკის აქტიური შემუშავების კუთხით.

მათივე ცნობით, შეხვედრაზე საუბარი შეეხო ანტიკორუფციული ბიუროს საქმიანობასა და სამომავლო გეგმებს და ასევე, აქცენტი გაკეთდა ისეთ მნიშვნელოვან საკითხებზე, როგორიცაა კორუფციის წინააღმდეგ ბრძოლის მიმართულებით გადასადგმელი ნაბიჯები, მამხილებელთა დაცვის მექანიზმების შემუშავება, უწყებებში რისკების შეფასების მექანიზმის დანერგვა და სხვ.

როგორც ინფორმაციაშია აღნიშნული, შეხვედრაზე მხარეებმა შემდგომი თანამშრომლობის მიზნით, მნიშვნელოვანი მიმართულებები და სამომავლო შესაძლებლობები განიხილეს. შეხვედრას ასევე ესწრებოდა ხოსე სანტიაგო ტორეს პრიეტო, Torres & Oliva Legal Advisory-ის დირექტორი; ვასილ ბაბლუანი, ანტიკორუფციული ბიუროს მრჩეველი.