„ალდაგის“ მხარდაჭერით სოციალური მეწარმეობის მე-12 ფორუმი გაიმართა

ალდაგის მხარდაჭერით სოციალური მეწარმეობის მე-12 ფორუმი გაიმართა, რომლის მიზანი სოციალური მეწარმეობის პოპულარიზაცია და სფეროში მიმდინარე სიახლეების გაცნობა იყო.

ამის შესახებ ინფორმაციას „ალდაგი“ ავრცელებს.

მათივე ცნობით, სოციალური მეწარმეობის მე-12 ფორუმი, ევროკავშირის მხარდაჭერით მიმდინარე პროექტის ,,სოციალური მეწარმეობა მდგრადი და ინკლუზიური საზოგადოებისთვის“ ფარგლებში, ჩატარდა, რომელსაც საჯარო, კერძო და საზოგადოებრივი ორგანიზაციების 120-ზე მეტი წარმომადგენელი ესწრებოდა. სხვადასხვა ფორმატში სტუმრებმა და სპიკერებმა სოციალური მეწარმეობის ეკოსისტემაზე, წარმატებულ მაგალითებსა და გამოწვევებზე ისაუბრეს.

ღონისძიების ბოლოს ხმის მიცემის შედეგად 2023 წლის საუკეთესო სოციალური საწარმოს კონკურსის გამარჯვებული გამოვლინდა. წლის სოციალური საწარმოდ დევნილთა დასახლებაში დაარსებული ტიხრული მინანქრის საწარმო „იკორთა“ დასახელდა.

„ალდაგის“ საზოგადოებასთან ურთიერთობის განყოფილების უფროსის, ქეთევან მაღალაშვილის განცხადებით, ალდაგის კორპორაციული სოციალური პასუხისმგებლობა, მცირე ქართული სტარტაპებისა და სოციალური საწარმოების გაძლიერებისკენაა მიმართული.

„მუდმივად ვცდილობთ, მხარი დავუჭიროთ არაკომერციულ ორგანიზაციებს - სამოქალაქო, სათემო ორგანიზაციებსა და სოციალურ საწარმოებს განვითარებაში. ალდაგის კორპორაციული სოციალური პასუხისმგებლობა, მცირე ქართული სტარტაპებისა და სოციალური საწარმოების გაძლიერებისკენ არის მიმართული, რაც გულისხმობს საზოგადოების სასიკეთოდ მომუშავე ორგანიზაციების დახმარებას, რათა მათ მიაღწიონ მეტ წარმატებას და შესაბამისად, სოციალური მისიის უკეთ შესრულებას“, - განაცხადა ქეთევან მაღალაშვილმა.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს