ადვოკატთა ასოციაციამ თბილისში ადვოკატთა საერთაშორისო კონფერენციას უმასპინძლა თემაზე: ბიზნესი და ადამიანის უფლებები

2023 წლის 10 ნოემბერს, საქართველოს ადვოკატთა ასოციაციამ, ევროპის ადვოკატთა ასოციაციასთან თანამშრომლობით, თბილისში ადვოკატთა საერთაშორისო კონფერენციას უმასპინძლა თემაზე: ბიზნესი და ადამიანის უფლებები. შესაბამის ინფორმაციას ადვოკატთა ასოციაცია ავრცელებს.

მათივე ცნობით, კონფერენციის ფინანსური მხარდამჭერები USAID სამართლის უზენაესობის პროგრამა, გაეროს გლობალური შეთანხმების საქართველოს ქსელი, ევროპის საბჭო, ამერიკის სოლიდარობის ცენტრი და გაეროს ადამიანის უფლებათა უმაღლესი კომისრის ოფისი იყვნენ.

„კონფერენციაში ათი ქვეყნის ადვოკატთა ასოციაციების წარმომადგენლები, ასევე, ევროპის ადვოკატთა ასოციაციებისა და სამართლის საზოგადოების საბჭოს (CCBE) და ევროპის ადვოკატთა ასოციაციის (AEA-EAL) ხელმძღვანელი პირები მონაწილეობდნენ.

აღნიშნულ თემაზე საერთაშორისო კონფერენცია საქართველოში წელს პირველად ჩატარდა და მის მიზანს ბიზნესისა და ადამიანის უფლებების სფეროში სხვადასხვა ქვეყნის ადვოკატებს შორის ცოდნისა და გამოცდილების გაზიარება, ასევე, ამ სფეროში ევროპული და საერთაშორისო სტანდარტების პოპულარიზაცია იყო.

კონფერენციის მონაწილეებს მისასალმებელი სიტყვით საქართველოს ადვოკატთა ასოციაციის თავმჯდომარემ, დავით ასათიანმა, საქართველოს იუსტიციის მინისტრმა, რატი ბრეგაძემ, ევროპისა და აზიის ქვეყნების ადვოკატთა ასოციაციებისა და საერთაშორისო ორგანიზაციების ხელმძღვანელმა პირებმა მიმართეს.

კონფერენციაში მონაწილე 200-ზე მეტმა ადვოკატმა ისეთი მნიშვნელოვანი საკითხები განიხილა როგორებიცაა: ბიზნესისა და ადამიანის უფლებების საერთაშორისო სამართლებრივი ჩარჩო და პრეცედენტული სამართალი, მდგრადი განვითარების სამართლის პრაქტიკა და გარემოსდაცვითი ტენდენციები, ბიზნესისა და შრომითი უფლებები და სხვა“, - აღნიშნულია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია