ნათია თურნავა EBRD-ის ხაზინის  ხელმძღვანელს შეხვდა

ეროვნული ბანკის პრეზიდენტის მოვალეობის შემსრულებელი ნათია თურნავა ევროპის რეკონსტრუქციისა და განვითარების ბანკის (EBRD) ხაზინის ხელმძღვანელს აქსელ ვან ნედერვენსა და ხაზინის წარმომადგენლებს ოდ პაკატესა და გურსუ კელესს შეხვდა. ამის შესახებ ინფორმაციას ეროვნული ბანკი ავრცელებს.

მათივე ცნობით, შეხვედრისას მხარეებმა განიხილეს მიმდინარე და სამომავლო პროექტები, მათ შორის ფინანსური ბაზრების განვითარების, ფინანსური რისკების მართვისა და ჰეჯირების ინსტრუმენტების მიმართულებით არსებული პროექტები.

ამასთან, შეხვედრისას ხაზი გაესვა საქართველოს ეროვნულ ბანკსა და EBRD-ის ხაზინას შორის არსებულ წარმატებულ თანამშრომლობას და აღინიშნა, რომ საქართველოში მიღებული გამოცდილება სასარგებლოა სხვა ქვეყნებისთვისაც, სადაც ევროპის რეკონსტრუქციისა და განვითარების ბანკი მუშაობს.

ეროვნული ბანკის პრეზიდენტის მოვალეობის შემსრულებელმა იმედი გამოთქვა, რომ მხარეებს შორის მჭიდრო თანამშრომლობა მომავალშიც გაგრძელდება.

„EBRD-ი ჩვენი მნიშვნელოვანი პარტნიორია, რომელთანაც მრავალწლიანი თანამშრომლობა გვაკავშირებს მონეტარული პოლიტიკისა და ფინანსური ბაზრების განვითარების კუთხით. ვიმედოვნებ, რომ მომავალში ეს თანამშრომლობა კიდევ უფრო გაფართოვდება", - აღნიშნა ნათია თურნავამ.

ეროვნული ბანკის ინფორმაციით, EBRD-ი საქართველოში 286 პროექტს ახორციელებს, რაც ჯამურად 5 მილიონ ევრომდე ოდენობის ინვესტიციაა. ბანკის ინვესტიციები, ძირითად ისეთ სფეროებზეა მიმართული, როგორიცაა ფინანსური სექტორი, მდგრადი ინფრასტრუქტურა, მცირე და საშუალო საწარმოები.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
1 იანვრიდან შპს „თელავგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
1 იანვრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
CROSSOVER: კიდევ ერთის ძალა - ლურჯი ოკეანე ახალ, ყოველწლიურ ბიზნესღონისძიებას იწყებს
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს